قازاقستاندا ءاربىر التىنشى جۇكتىلىك تۇسىك جاساتۋمەن اياقتالادى

بۇل تۋرالى «جىنىستىق جانە رەپرودۋكتيۆتىك دەنساۋلىق قاۋىمداستىعى» قوعامدىق بىرلەستىگىنىڭ ديرەكتورى گالينا گرەبەننيكوۆا ايتتى، دەپ حابارلايدى قازاقپارات ءتىلشىسى.

«جالپى، قازاقستاندا 2013-جىلعا دەيىن ابورتتىڭ ازايۋى ءۇردىسى وتە جاقسى بولدى. الايدا كەيىنگى كەزدە بۇل كورسەتكىشتىڭ ارتقانىن بايقاپ وتىرمىز»، - دەدى گالينا گرەبەننيكوۆا ەلورداداعى وتباسى، دەموگرافيا جانە گەندەرلىك ساياسات ماسەلەلەرى جونىندەگى حالىقارالىق عىلىمي كونفەرەنسيا بارىسىندا.

ونىڭ ايتۋىنشا، بۇل ماسەلەدە ءتۇرلى سەبەپ بار. ياعني وتباسىن جوسپارلاۋ ماسەلەلەرى مەن كونتراتسەپتسيا قىزمەتتەرىنىڭ بولماۋى جانە دەنساۋلىق جاعدايىنىڭ پروبلەمالارى كەزدەسەدى.

«وسى رەتتە ءتۇرلى سەبەپتەردى ايتۋعا بولادى. سولاردىڭ ءبىرى رەتىندە كونتراتسەپتسيا قىزمەتتەرى ايتارلىقتاي قىمباتقا ءتۇسۋىن ايتۋعا بولادى. وسى ماسەلەلەردى ەسكەرە وتىرىپ، قازاقستاندا ءاربىر التىنشى جۇكتىلىك تۇسىك جاساتۋمەن اياقتالادى»، - دەدى گالينا گرەبەننيكوۆا.

بۇدان بۇرىن حابارلانعانداي، قازاقستانداعى ي ۋ ن ف پ ا- نىڭ جىنىستىق جانە رەپرودۋكتيۆتى دەنساۋلىق جونىندەگى جوباسىنىڭ ۇيلەستىرۋشىسى گاۋحار ابۋوۆا ايەلدەردىڭ 35 جاستان كەيىن بالا تۋۋ كورسەتكىشى ەكى ەسەگە جۋىق ازايعانىن ايتتى.

ايتا كەتەيىك، 17- قاراشادا ەلوردادا وتباسى، دەموگرافيا جانە گەندەرلىك ساياسات ماسەلەلەرى جونىندەگى حالىقارالىق عىلىمي كونفەرەنسيا باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى