تورەعالي تورەالى ءجۇرسىن ەرماننىڭ دەنساۋلىعى تۋرالى ايتتى
بۇل تۋرالى تورەعالي تورەالى، مارات احمەتوۆ Instagram-داعى پاراقشالارىندا جازعان.
بۇعان دەيىن جەلىدە ديدار قامي ءجۇرسىن ەرماننىڭ جانساقتاۋعا تۇسكەنىن ايتىپ، جازبا جاريالاعان ەدى. ال كەشە تورەعالي تورەالى اقىننىڭ شاڭىراعىندا تۇسكەن سۋرەتىن جۇكتەگەن.
«اكەمىزدىڭ بويىنان ءال كەتكەن جوق»، - دەپ جازعان ول جەلىدە.
ايتىسكەر مارات احمەتوۆ تە ءجۇرسىن ەرماننىڭ جاعدايىن سۇراۋعا بارعاندارىن جازعان.
«بۇگىن الماتىعا كەلىپ ءجۇرسىن كوكەمىزدى كوزبەن كورىپ، كوڭىلىن سۇراپ قايتتىق. اعايدىڭ جاعدايى ءبىراز جاقسارىپ قالىپتى. تىلەۋلەس بولعان بارشاڭىزعا ريزاشىلىعىن ءبىلدىرىپ جاتىر. ءجۇرسىن ەرمان ۇستازىمىز اۋرۋحانادان ساۋىعىپ شىقتى. قۇداي تاعالا كوپتىڭ تىلەگىن قابىل ەتتى دەپ بىلەمىن. اعايدىڭ شاڭىراعىندا بۇگىن ءبىر كەرەمەت قۋانىشتى كۇن بولدى. باقىتجامال اپامىزدىڭ ءشايىن ءىشىپ، ءجۇرسىن اعايدىڭ باتاسىن الىپ قايتتىق... ءجۇرسىن كوكەمىزدىڭ اۋرۋحانادان ساۋىعىپ شىققانىن ۇيىندە تويلاپ وتىرمىز»، - دەگەن ول.
ەسكە سالايىق، بۇعان دەيىن تانىمال اقىن ءجۇرسىن ەرمان جانساقتاۋ بولىمىنە تۇسكەنى حابارلانعان بولاتىن. ال كەيىن دارىگەرلەر ءجۇرسىن ەرماننىڭ دەنساۋلىعىنا قاتىستى پىكىر بىلدىرگەن ەدى. مامانداردىڭ سوزىنشە، اقىننىڭ اۋرۋى اسقىنىپ، سەپسيسكە اينالعان ەكەن.
