قازاقستاندا جۇمىرتقا قىمباتتادى

قازاندا ءبىرىنشى ساناتتاعى جۇمىرتقا باعاسى ءبىر ايدا 6,3 پايىزعا، ال جىلدىق وسىمدە 14,8 پايىزعا وسكەن.

ءبىر ايدا باعانىڭ ەڭ ۇلكەن ءوسىمى ۇلىتاۋ (19,8 پايىز)، پاۆلودار (14,7 پايىز) جانە قىزىلوردا وبلىستارىندا (13,6 پايىز) تىركەلگەن. ەڭ تومەنگى باعا الماتى وبلىسىندا، مۇندا 0,4 پايىزعا وسكەن.

ءبىر جىل ىشىندە قىزىلوردا وبلىسىندا جۇمىرتقا قاتتى قىمباتتاعان، ياعني باعا 52,2 پايىزعا كوتەرىلگەن. ودان كەيىن قوستاناي وبلىسىندا 34,1 پايىزعا وسكەن. ال الماتىدا باعا، كەرىسىنشە، 4 پايىزعا تومەندەگەن.

جىل باسىنان بەرى ەلدە 3,8 ميلليارد جۇمىرتقا وندىرىلگەن، بۇل بىلتىرمەن سالىستىرعاندا، 5,3 پايىزعا كوپ. وڭىرلەر اراسىندا وندىرىستە س ق و كوش باستاپ تۇر، مۇندا 559,9 ميلليون جۇمىرتقا وندىرىلگەن. بيىلعى سەگىز ايدىڭ قورىتىندىسى بويىنشا جەرگىلىكتى كومپانيالار جۇمىرتقاعا سۇرانىستى 96,3 پايىزعا قامتاماسىز ەتكەن.

ال يمپورت 3,7 پايىز بولعان. ەلگە جىل باسىنان بەرى 130,8 ميلليون جۇمىرتقا اكەلىنگەن. سونىمەن قاتار، ەكسپورت 2,2 ەسەگە ءوسىپ، 184,5 ميلليونعا جەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى