قاتال اتا-اناسىز با؟ تەكسەرىپ كورىڭىز
سول ءۇشىن جۇرەك قالاۋىمەن ەمەس، پرينتسيپكە بولا كەرەك ەمەس جەردە قاتاڭدىق كورسەتەتىن اتا- انالار بار. ولار بالالارىن كوپ نارسەدە شەكتەيدى. ول بالانىڭ اشىلۋىنا مۇمكىندىك بەرمەيدى، بالا ءالسىز جانە ىنجىق بولىپ ءوسۋى مۇمكىن. بالاعا قاتاڭ ەكەنىڭىزدى قالاي تۇسىنۋگە بولادى؟
1. ەرەجە وتە كوپ
وتە قاتال اتا-انادا ەرەجە كوپ. داستارحان باسىندا، قوناقتا، دالادا، مەكتەپتە، ۇيدە، ءۇي مىندەتتەرىن ءبولىسىپ الۋدا، كيىمدەردى تاڭداۋدا، ويىن تۇرىنە جانە ت. ب نارسەلەرگە ەرەجە قويىلادى. ەرەجەنىڭ وتە كوپ بولۋى زيان. بىرىنشىدەن، ولاردىڭ ءبارىن بالا تۇگىل ەرەسەككە دە ساقتاۋ مۇمكىن ەمەس. ال ەكىنشىدەن، ەرەجەنىڭ كوپ بولۋى ادامدى ۇنەمى كۇيزەلىستە ۇستايدى. ودان دا شىنىمەن دە ماڭىزدى دەگەن بىرنەشە ەرەجە بولعانى جاقسى.
2. بالانى ءجيى قورقىتاسىز
ادەتتە، قاتال اتا-انالار ولاردىڭ ەرەجەلەرى ورىندالماسا، بالانى قورقىتۋعا كوشەدى. اتا-انا بالانى دالاعا ويناۋعا شىعارمايتىنىن، ونى بالالار ۇيىنە بەرىپ جىبەرەتىنىن نەمەسە «پوليتسيا اعاي» الىپ كەتەتىنىن ايتادى. ءبىراق بالانى بۇلاي قورقىتۋ ونىڭ پسيحيكاسىنا زيان كەلتىرۋى مۇمكىن. بالاعا تاڭداۋ قۇقىعىن بەرىپ، ونىڭ پىكىرىمەن ساناسۋ كەرەك.
3. بالاعا قاتەلەسۋگە مۇمكىندىك بەرمەيسىز
بالا قاتەلەسسە، قاتال اتا-انا وعان ۇرسادى جانە كەيدە ۇرادى. بالا ءار قاتەلىك جىبەرگەن سايىن وعان ۇرساتىن بولساڭىز نەمەسە جازالايتىن بولساڭىز، ول ءسىزدى جەك كورەتىن بولادى. ءسىزدىڭ مۇنداي ارەكەتىڭىزدەن وزىنە سەنىمسىز جانە اشۋلانشاق بالا وسەدى. بالا قانداي دا ءبىر قيىندىققا تاپ بولسا، سىزدەن كومەك سۇراۋعا قورقاتىن بولادى.
4. بالا از وينايدى
قاتال اتا-انا بالانى جۇكتەپ قويادى. ول كوپتەگەن ۇيىرمەلەرگە بارادى، كوپ وقيدى جانە ت. ب. ءبىراق بالادا ءوز قۇرداستارىمەن ويناۋعا، اڭگىمە ايتۋعا، قيالداۋعا جانە ارمانداۋعا ۋاقىت بولۋى كەرەك. بۇل بالاعا وتە پايدالى.
5. تەك بۇيىرىپ سويلەيسىز
«كيىن»، «تەز تاۋىسىپ قوي»، «جينا»، «وتىر»... قانشالىقتى ءجيى بۇيىرىپ سويلەيسىز؟ ونىڭ ورنىنا جۇمساق تۇردە بالانى باعىتتاۋعا تىرىسىڭىز. بالا ءوتىنىشىڭىزدى ورىنداسا، راقمەت ايتۋدى ۇمىتپاڭىز جانە كەي سۇراقتاردا ونىڭ پىكىرىن سۇراڭىز. بۇل ارقىلى بالا ءوزىن ماڭىزدى سەزىنەتىن بولادى. ال ول ونىڭ ءوزىن- ءوزى باعالاۋىن ارتتىرادى.
ءسوزسىز، كوپتەگەن جاعدايدا اتا-انا قاتاڭدىعى مەن جۇيەلىلىگى كەرەك. ءوز ينتۋيتسياڭىز بەن انالىق جۇرەگىڭىزدى تىڭداڭىز. ولار سىزگە رۇقسات بەرۋ مەن قاتاڭ تاربيە اراسىنداعى تەپە- تەڭدىكتى تابۋعا كومەكتەسەدى.
