كىشكەنتاي كورەرمەندەر ءۇشىن «بۇيراباس» اتتى قىسقامەتراجدى انيماتسيالىق فيلم تۇسىرىلمەك
فيلمنىڭ رەجيسسەرى ساقيوللا قاسيەتتىڭ ايتۋىنشا، تۋىندى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا، «ۇلتتىق كينونى قولداۋ مەملەكەتتىك ورتالىعى» ك ە ا ق- نىڭ قولداۋىمەن جاسالىپ جاتىر. پروديۋسسەرى — ارالباي قۋانىشبەك.
«فيلم بالالار ءۇشىن ەرەكشە قىزىق بولادى دەپ ويلايمىز. وندا، وزدىگىنەن جۇمىس ىستەۋگە نيەتى جوق، دەسە دە، باستىق، باي بولعىسى كەلەتىن سابانشى اڭقاۋ بولسا دا پىسىق قوزىنى وزىنە يلاندىرىپ، كاسىپ اشادى. ودان تۇك شىقپاي، سالى سۋعا كەتكەندە، سارىشۇناق كەپ، التىن ىزدەۋگە شاقىرادى. وسىلايشا، ءۇش كەيىپكەردىڭ التىن ىزدەۋدەگى شىتىرمان وقيعاسى باياندالادى. تۋىندى جىل سوڭىنا دەيىن دايىن بولادى»، - دەيدى ساقيوللا قاسيەت.
ايتا كەتەيىك، ساقيوللا قاسيەتتىڭ بۇل العاشقى تۋىندىسى ەمەس، بۇعان دەيىن ول «بالا اباي»، «يساتاي مەن ماحامبەت»، «ال- فارابي»، «دالا ويىندارى» سەكىلدى انيماتسيالىق فيلمدەرگە رەجيسسەرلىك ەتكەن.
اۆتور
ريزابەك نۇسىپبەك ۇلى
