استاناداعى ءبىرقاتار كوشەگە ەلىمىزگە بەلگىلى تۇلعالاردىڭ ەسىمى بەرىلەدى
شەشىم جوباسىن دەپۋتاتتارعا قالالىق تىلدەردى دامىتۋ جانە مۇراعات ىستەرى باسقارماسىنىڭ باسشىسى ساكەن ەسىركەپ تانىستىردى.
اتاپ ايتساق، الماتى اۋدانى بويىنشا 24№ جوبالىق كوشەگە كورنەكتى مەملەكەت قايراتكەرى ورال مۇحامەدجانوۆتىڭ ەسىمىن، 62№ جوبالىق كوشەگە قازاقستاننىڭ حالىق جازۋشىسى، دراماتۋرگ سافۋان شايمەردەنوۆتىڭ ەسىمىن، ابىلايحان داڭعىلىنداعى دينا نۇرپەيىسوۆانىڭ جانىندا ورنالاسقان اتاۋسىز اللەياعا «كۇيشىلەر اللەياسى» دەگەن ات بەرۋ ۇسىنىلدى.
ال ەسىل اۋدانى بويىنشا 202№ جوبالىق كوشەگە اسكەري ۇشقىش، شتۋرموۆيك، كەڭەس وداعىنىڭ باتىرى نۇركەن ءابدىروۆتىڭ ەسىمىن، ە-111 جوبالىق كوشەگە قازاقستاننىڭ حالىق جازۋشىسى، قوعام قايراتكەرى، قازاقستاننىڭ ەڭبەك سىڭىرگەن مادەنيەت قىزمەتكەرى شەرحان مۇرتازانىڭ ەسىمىن، ە-324 جوبالىق كوشەگە كورنەكتى جازۋشى دۇكەنباي دوسجاننىڭ ەسىمىن، ە-325 كوشەگە كومپوزيتور، ك س ر و حالىق ءارتىسى، قازاق ك س ر مەملەكەتتىك سىيلىعىنىڭ لاۋرەاتى ەركەعالي راحماديەۆتىڭ ەسىمىن، ە-357 جوبالىق كوشەگە حيرۋرگ، اكادەميك الەكساندر سىزعانوۆتىڭ ەسىمىن، ە-577 جوبالىق كوشەگە جازۋشى حامزا ەسەنجانوۆتىڭ ەسىمىن، ە-579 كوشەگە مەملەكەت جانە قوعام قايراتكەرى، «قۇرمەت» بەلگىسىنىڭ يەگەرى قاريدين قاربايەۆتىڭ ەسىمىن، ە-580 جوبالىق كوشەگە مەملەكەت قايراتكەرى سابىر نيزيابەكتوۆتىڭ ەسىمىن بەرۋ، ە-607 جوبالىق كوشەگە قازاقستاننىڭ حالىق ءارتىسى قۇمان تاستانبەكوۆتىڭ اتىن، ە-608 جوبالىق كوشەگە پەداگوگ، قازاقستاننىڭ حالىق ءارتىسى شولپان جانداربەكوۆانىڭ ەسىمىن، ە-757 جوبالىق كوشەگە جازۋشى، فيلولوگ اقسەلەۋ سەيدىمبەكتىڭ ەسىمىن، ە-758 جوبالىق كوشەگە بىرىككەن اراب امىرلىكتەرىنىڭ پرەزيدەنتى، ق ر ءبىرىنشى دارەجەلى «دوستىق» وردەنىنىڭ يەگەرى شەيح حاليفا بەن زايد ءال ناحاياننىڭ ەسىمىن، ە-89 جوبالىق كوشەگە، اعارتۋشى، پۋبليتسيست، زاڭگەر بارلىبەك سىرتتان ۇلىنىڭ ەسىمىن، ە-890 جوبالىق كوشەگە تاريحشى، اكادەميك ەرمۇحان بەكماحانوۆتىڭ ەسىمىن، ە -898 جوبالىق كوشەگە ادەبيەت سىنشىسى، فيلولوگ، ق ر ەڭبەك سىڭىرگەن عىلىمي قىزمەتكەرى تۇرسىنبەك كاكىشەۆتىڭ ەسىمىن بەرۋ، قابانباي باتىر داڭعىلىنداعى «سالتانات سارايى» كەشەنى مەن The St. Regis AstanA قوناق ءۇيىنىڭ اراسىنداعى اتاۋسىز سكۆەرگە ۇلى بريتانيا جانە سولتۇستىك يرلانديا بىرىككەن كورولدىگىنىڭ پاتشايىمى II ەليزاۆەتانىڭ ەسىمىن بەرۋ كوزدەلىپ وتىر.
سونداي-اق سارىارقا اۋدانى بويىنشا 20-40№ جوبالىق كوشەگە ايگىلى جازۋشى ءسابيت مۇقانوۆتىڭ ەسىمىن بەرۋ ۇسىنىلدى.
دەپۋتتار اكىمدىك ۇسىنىسىن قولداپ داۋىس بەردى.
