قىتايدا كوروناۆيرۋستىڭ ورشۋىنە بايلانىستى مۇنايدىڭ الەمدىك باعاسى تومەندەدى

بۇل الەمدەگى ەڭ ءىرى مۇناي يمپورتتاۋشىنىڭ سۇرانىسىن ازايتۋى مۇمكىن، دەپ حابارلايدى قازاقپارات Reuters اگەنتتىگىنە سىلتەمە جاساپ.

بەيسەنبى كۇنى تاڭەرتەڭگى ساۋدا-ساتتىقتا گرينۆيچ ۋاقىتى بويىنشا 04:30 داعى (استانا ۋاقىتى بويىنشا 10:30 دا) Brent ماركالى مۇناي فيۋچەرستەرى باررەلىنە 1,04 دوللارعا، ياعني %1,1 عا 91,82 دوللارعا دەيىن ارزاندادى. West Texas Intermediate (WTI) ماركالى مۇناي فيۋچەرستەرى باررەلىنە 1,17 دوللارعا، ياعني %1,4 - عا 84,42 دوللارعا دەيىن تومەندەدى. سونىمەن قاتار كەشە ۆەنگرياعا «دوستىق» مۇناي قۇبىرى ارقىلى رەسەي مۇنايىن جەتكىزۋدى قايتا باستاعاننان كەيىن Brent ماركاسى، %1 عا، ال WTI 1,5%- عا ارزانداعان ەدى.

«شيكى مۇنايدىڭ باعاسى ناتو رەسەيدىڭ پولشاعا جاساعان زىمىراندىق شابۋىلىنا جاۋاپ بەرگەننەن كەيىن تومەندەدى. بۇل رەتتە قىتايدىڭ COVID-19 شەكتەۋلەرى مەن الەمدىك ەكونوميكالىق بولجامنىڭ بۇلىڭعىر بولۋىنا بايلانىستى سۇرانىسقا قاتىستى الاڭداۋشىلىق تۋىندادى»، - دەدى بريتاندىق CMC Markets كومپانياسىنىڭ ساراپشىسى تينا تان.

ايتا كەتەيىك، قىتايداعى كوروناۆيرۋس جۇقتىرۋ جاعدايلارىنىڭ سانى الەمنىڭ باسقا ەلدەرىمەن سالىستىرعاندا تومەن، ءبىراق بەيجىڭ اۋرۋدى بولدىرماس ءۇشىن COVID- كە قارسى قاتاڭ ساياساتتى ۇستانادى. بەيسەنبىدە قىتايدىڭ ۇلتتىق دەنساۋلىق ساقتاۋ كوميسسياسى كۇنىنە 23 مىڭنان استام جاڭا جاعدايلار تىركەلگەنىن حابارلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى