قىمباتشىلىق قاشانعا دەيىن جالعاسادى - ءمينيستردىڭ جاۋابى

«كەيبىر ساراپشىلار كەلەسى جىلى قازاقستاندا سۋپەرينفلياتسيا بولاتىنىن ايتىپ ءجۇر؟ بۇل راس پا؟ قىمباتشىلىقتىڭ بەتى قاشان قايتادى؟»، - دەپ سۇرادى جۋرناليست.

مينيستر قازىرگى قىمباتشىلىق قازاقستاندا كەيىنگى 10-15 جىلدان بەرى بولماعانىن ەسكە سالدى.

«ايتايىن دەگەنىم، بيىلعى باعانىڭ ءوسۋى، ينفلياتسيا 18,8 پايىز بولىپ تۇر. بۇل سوڭعى 10-15 جىلدا بولماعان ۇلكەن كورسەتكىش. ونى ءبارىمىز ءتۇسىنىپ وتىرمىز. شەت ەلدەردە سوڭعى 40-50 جىلدا بولماعان نارسە. قازىر اتقارىلىپ جاتقان شارالاردىڭ قورىتىندىسىندا وسى جىلدىڭ سوڭى، كەلەسى جىلدىڭ باسىندا ينفلياتسيانىڭ كۇرت تومەندەۋى بايقالاتىنىنا ءۇمىت ارتىپ وتىرمىز. شىڭى 20 پروتسەنتتىڭ اينالاسىندا بولادى. سوسىن بارىپ تۇسەدى»، - دەدى مينيستر.

ونىڭ سوزىنە قاراعاندا، كەلەر جىلدىڭ اياعىندا ينفلياتسيا قازىرگى دەڭگەيىنەن ەكى ەسە ءتۇسۋى مۇمكىن.

«ەندىگى جىلعا بيۋدجەتتە كورسەتىلگەن مولشەرلەمە 7,5 پايىز بەن 9,5 پايىزدىڭ ارالىعى. 2023 -جىلدىڭ قورىتىندىسى بويىنشا سول كورسەتكىشكە جەتسەك، مۇنى ۇلكەن كورسەتكىش دەپ ەسەپتەۋ كەرەك. سەبەبى سول كەزدە ەكى ەسە تومەن تۇسەيىن دەپ تۇر عوي»، - دەدى ەرۇلان جاماۋبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى