كوپبالالى وتباسىلارعا بالا سانىنا قاراي قانشا جاردەماقى تولەنەدى

بۇل تۋرالى قازاقپارات ەڭبەك مينيسترلىگىنە سىلتەمە جاساپ حابارلايدى.

بيىلعى قازان ايىندا 494 مىڭ وتباسىنا 29,9 ميلليارد تەڭگە جاردەماقى تولەندى.

بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.

تولەم مولشەرى بالا سانىنا قاراي ەسەپتەلىپ تولەنەدى. كوپبالالى وتباسىلارىنداعى 4 بالاعا - 50975 تەڭگە، 5 بالاعا - 63727 تەڭگە، 6 بالاعا - 76479 تەڭگە، 7 بالاعا - 89231 تەڭگە، 8 بالاعا - 101760 تەڭگە، 9 بالاعا - 114480 تەڭگە، 10 بالاعا - 127200 تەڭگە، 11 بالاعا - 139920 تەڭگە، 12 بالاعا - 152640 تەڭگە، 13 بالاعا - 165360 تەڭگە، 14 بالاعا - 178080 تەڭگە، 15 بالاعا - 190800 تەڭگە، 16 بالاعا - 203520 تەڭگە نەمەسە ءار بالاعا 12720 تەڭگە تولەنەدى.

ايتا كەتەيىك، كوپبالالى وتباسىلارعا ولاردىڭ تابىسىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 -جىلدىڭ 1-قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى اياسىندا ەنگىزىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى