جانىبەك ءالىمحان ۇلىنا رينگكە شىعۋعا شەكتەۋ قويىلدى

ءالىمحان ۇلى 13- قاراشادا لاس- ۆەگاستا بريتاندىق دەنزەل بەنتليمەن (17-2-1، 14 ك و) جەكپە- جەك وتكىزىپ، چەمپيوندىق اتاعىن قورعادى. كەزدەسۋ تورەشىلەردىڭ ءبىراۋىزدى شەشىمىمەن قازاقستاندىق بوكسشىنىڭ جەڭىسىمەن اياقتالدى.

جەكپە- جەكتەن كەيىن نيەۆادا شتاتىنىڭ اتلەتيكا كوميسسياسى بوكسشىلارعا شەكتەۋ قويدى. سونىمەن، ءالىمحان ۇلىنا وسى جىلدىڭ 13- جەلتوقسانىنا دەيىن جەكپە- جەك وتكىزۋگە رەسمي تۇردە تىيىم سالىندى، ال بەنتلي شارشى الاڭعا كەلەسى ايدىڭ 28-ىنەن بۇرىن شىعا المايدى. بۇل شارا مەديتسينالىق سيپاتقا يە جانە بوكسشىلاردىڭ دۇرىس قالپىنا كەلۋىنە باعىتتالعان.

ەسكە سالايىق، دۇنيەجۇزىلىك بوكس ۇيىمى (WBO) ءالىمحان ۇلى بەنتليدى جەڭگەن جاعدايدا وعان مەكسيكالىق حايمە مۋنگيامەن جەكپە- جەك وتكىزۋدى مىندەتتەگەن بولاتىن.

ەندى «Qazaq style» لاقاپ اتىمەن تانىمال بوكسشىمىز ح. مۋنگيا كومانداسىنان جاۋاپ كۇتىپ ءجۇر.

فوتو: sports.kz

اۆتور

اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى