الماتىلىقتار كوشە بويىندا جايىلىپ جۇرگەن جىلقىلارعا شاعىمداندى
ناۋرىزباي اۋدانىندا ورنالاسقان «حان-تەنگري» تۇرعىن ءۇي كەشەنىنىڭ تۇرعىندارىن جاعدايعا نازار اۋدارۋدى سۇرايدى. قالا تۇرعىندارىنىڭ ايتۋىنشا، جىلقىلار وندا كۇن سايىن جۇرەدى.
«قارعالى ىقشاماۋدانىندا اتتار كۇن سايىن جۇرەدى: «حان تەنگري» تۇرعىن ءۇي كەشەنىنەن پرەزيدەنتتىك ساياباققا دەيىن. نەگە بۇلاي؟ مەگاپوليستە، قالا ماڭىندا ەمەس، قالانىڭ حالىق تىعىز ورنالاسقان بولىگىندە. وعان قوسا، بۇل ماڭدا مەكتەپتەر دە ورنالاسقان. اپاتتىق جاعداي تۋعىزادى. بۇل باسقالارعا ءقاۋىپ توندىرەدى. شۇعىل شارا قولدانۋ كەرەك»، - دەدى «حان تەنگري» تۇرىعىندارىنىڭ ءبىرى.
جەرگىلىكتى تۇرعىندار پوليتسەيلەر مال يەسىمەن سويلەسكەنىن ايتادى. الايدا الماتىلىقتار ناتيجە كورمەي وتىر.
قالالىق پوليتسيا دەپارتامەنتى جىلقىلاردىڭ يەسى بۇعان دەيىن دە بىرنەشە رەت اكىمشىلىك جاۋاپكەرشىلىككە تارتىلعانىن راستادى. ول بۇل جولى دا جازادان قۇتىلماعان.
«وسى فاكت بويىنشا جانۋارلاردىڭ يەسى ا ق ب ت ك-نىڭ 505-بابى 2-بولىگى بويىنشا اكىمشىلىك جاۋاپكەرشىلىككە تارتىلدى. ناۋرىزباي اۋدانىنىڭ پوليتسيا باسقارماسى بۇدان بىلاي بۇعان جول بەرمەۋ تۋرالى اڭگىمە جۇرگىزدى»، - دەدى ۆەدومستۆونىڭ باسپا ءسوز قىزمەتى وكىلدەرى.
