اسكەري بورىشىن وتەگەندەردى ەلىمىزدىڭ قانشا ۋنيۆەرسيتەتى تەگىن وقىتۋعا نيەتتى - ۆيتسە مينيستر جاۋابى
بۇل تۋرالى ورتالىق كوممۋنيكاتسيالار قىزمەتىندەگى بريفينگىدە جۋرناليستەردىڭ سۇراعىنا جاۋاپ بەرگەن عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ق ر قورعانىس مينيسترلىگى 50گە جۋىق ۋنيۆەرسيتەتپەن كەلىسىم جاساستى. وقۋ ورىندارى مەرزىمدى اسكەري قىزمەتىن اتقارعانداردى قولداۋعا جانە ولاردى ۋنيۆەرسيتەت ەسەبىنەن وقۋعا مۇمكىندىك بەرۋگە نيەت ءبىلدىردى. ءتىزىم وزگەرۋى مۇمكىن. تاعى دا بۇل ۇسىنىسقا قوسىلۋعا نيەتتى ۋنيۆەرسيتەتتەر بولۋى مۇمكىن»، - دەپ مالىمدەدى قۋانىش ەرعاليەۆ.
ەسكە سالايىق، بۇل ۋاقىتقا دەيىن عىلىم جانە جوعارى ءبىلىم ءمينيسترى ساياسات نۇربەك اسكەري بورىشىن وتەگەندەرگە ءبىلىم گرانتى نەمەسە جەڭىلدىكتەر قالاي بەرىلەتىنىن تۇسىندىرگەن ەدى.
