قازاقستاننىڭ دامۋ ستراتەگياسى نەگە ءجيى وزگەرەدى - ساراپشى پىكىرى
«قازاقستاننىڭ دامۋ ستراتەگياسىنىڭ ءجيى وزگەرۋى قازىرگى جىلدام وزگەرىپ جاتقان پروتسەستەرگە بەيىمدەلۋ ءۇشىن جاسالىپ جاتىر. سونداي-اق، ءبىزدى قورشاپ جاتقان قىتاي، رەسەي سياقتى مەملەكەتتەر، ورتالىق ازيانىڭ وزگە ەلدەرى بويىنشا ساۋاتتى ماماندار بازاسى بولماۋىنىڭ دا اسەرى بار»، - دەدى ەركىن تۇقىموۆ.
اتالعان شارادا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين الداعى 7 جىلدا دەنساۋلىق ساقتاۋ سالاسىن سيفرلاندىرۋعا ەرەكشە كوڭىل بولىنەتىنىن ايتتى.
«سيفرلاندىرۋ باعىتىندا نازار اۋدارۋدى قاجەت ەتەتىن تۇستار بار. دەنساۋلىق ساقتاۋ سالاسى سيفرلىق ترانسفورماتسيالاۋدى قاجەت ەتىپ تۇر. ءبىز قازىر سول باعىتتا جۇمىس ىستەيمىز. جەتى جىلدىڭ ىشىندە دەنساۋلىق ساقتاۋ سالاسى الدەقايدا بولجامدى، جەكە ادامدارعا باعىتتالعان قۇرىلىمعا اينالىپ، OpenAPI فورماتىنداعى دەرەكتەر بازاسىنا قولجەتىمدىلىك مۇمكىندىگى وسى سالادا دا جۇمىس ىستەۋى كەرەك. بۇل ءاربىر ادام مەملەكەتتىڭ باقىلاۋىندا، قامقورلىعىندا ەكەنىنە سەنىمدى بولۋ ءۇشىن كەرەك»، - دەدى مينيستر.
