قازاقستاندا قاۋىپسىزدىك جاستىعى جوق كولىك شىعارىلا ما؟ - مينيسترلىك تۇسىندىرمەسى
«ەلىمىزدەگى بۇقارالىق اقپارات قۇرالدارىندا قر ۇكىمەتىنىڭ 2022-جىلعى 22- قازانداعى 843№ قاۋلىسىنىڭ، اتاپ ايتقاندا «ق ر اۋماعىندا وندىرىلەتىن جەكەلەگەن دوڭعالاقتى كولىك قۇرالدارىنا قاتىستى مىندەتتى تالاپتاردى قولدانۋ جانە ولاردىڭ سايكەستىگىن باعالاۋدى جۇرگىزۋ قاعيدالارىن بەكىتۋ تۋرالى» نورمالارىنىڭ قاتە تارالۋىنا بايلانىستى يندۋستريا جانە ينفراقۇرىلىمدىق دامۋ مينيسترلىگى اتالعان قۇجاتتىڭ ماڭىزدىلىعى مەن قوعامعا دۇرىس جەتكىزىلۋىن ءتۇسىندىرۋدى ورىندى دەپ سانايدى» دەلىنگەن حابارلامادا.
ۆەدومستۆو مالىمەتىنە ساي، بۇل قاۋلى ە ا ە و ەلدەرى قول قويعان «كەدەن وداعى كوميسسياسىنىڭ 2011-جىلعى 9- جەلتوقسانداعى 877№ شەشىمىنە وزگەرىستەر ەنگىزۋ تۋرالى» ەۋرازيالىق ەكونوميكالىق كوميسسيا كەڭەسىنىڭ 2022-جىلدىڭ 5- ساۋىردەگى 45№ شەشىمىن ىسكە اسىرۋ ماقساتىندا قابىلدانعان.
«ۇكىمەتتىڭ 2023-جىلدىڭ 1- اقپانىنا دەيىنگى زاڭدى كۇشى بار قاۋلىسى وندىرۋشىلەرگە ABS، ESP، سونداي-اق قاۋىپسىزدىك جاستىقتارىمەن جابدىقتالماعان جانە ەكولوگيالىق ساناتى تومەندەتىلگەن اۆتوكولىكتەردى شىعارۋعا تىكەلەي قۇقىق بەرمەيدى» دەلىنگەن ۆەدومستۆو مالىمەتىندە.
سونداي-اق، مينيسترلىك جولداعان تۇسىندىرمەدە ءتيىستى جۇيەلەرمەن جابدىقتالماعان اۆتوموبيلدەردى شىعارۋعا رۇقسات الۋ ءۇشىن ءوندىرۋشى بەلگىلى ءبىر كومپونەنتتەردى ورناتپاۋىنا قاراماستان كولىك مودەلدەرىن جەكە سەرتيفيكاتتاۋدان وتكىزۋ جانە ونىڭ قاۋىپسىز بولۋى مىندەتتى ەكەنى ايتىلعان.
«بۇل شارت ە ە ك كەڭەسىنىڭ شەشىمدەرىندە قاراستىرىلعان. دەمەك، قازىر قازاقستاندا قاۋىپسىزدىك تالاپتارىنا سايكەس كەلمەيتىن بىردە-ءبىر كولىك مودەلى شىعارىلا المايدى. سوندىقتان وندىرۋشىلەر «دوڭعالاقتى كولىك قۇرالدارىنىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىن تولىق ساقتاپ كەلەدى»، - دەپ مالىمدەيدى مينيسترلىك.
