تالدىقورعاندا شەنەۋنىكتەرگە زاڭسىز بەرىلگەن پاتەرلەر قايتىپ الىنادى

«پاتەردى زاڭسىز العان شەنەۋنىكتەر، بيۋدجەت قىزمەتكەرلەرى ءۇيدى تەز ارادا مەملەكەت مەنشىگىنە تايتارۋى ءتيىس. ەگەر ولار ءوز ەركىمەن وتكىزبەسە، سوت ارقىلى ماسەلە شەشىلۋى كەرەك.

ال، الەۋمەتتىك وسال توپتارعا 10 جىل بۇرىن بەرىلگەن ۇيلەردى زاڭسىز دەپ تارتىپ الۋ ادىلەتسىز دەپ ويلايمىن. قاراڭىزدارشى، ول ادام مۇگەدەك بولۋى مۇمكىن، تولىق ەمەس وتباسى، كوپبالالى انالار بولۋى مۇمكىن. سوندىقتان، زاڭسىز بەرىلدى دەپ، پاتەردى بىردەن تارتىپ الۋعا بولمايدى. پروكۋراتۋرا مەن تالدىقورعاننىڭ اكىمدىگى الەۋمەتتىك وسال توپتارعا قاتىستى پاتەرلەر ماسەلەسىن زاڭ اياسىندا شەشىپ بەرۋدى قاراستىرۋى كەرەك»، - دەدى جەتىسۋ وبلىسىنىڭ اكىمى بەيبىت يسابايەۆ تالدىقورعان تۇرعىندارىمەن كەزدەسۋ بارىسىندا.

ەستەرىڭىزگە سالا كەتەيىك، بۇعان دەيىن تالدىقورعاندا مىڭنان اسا باسپانانىڭ زاڭسىز بەرىلگەنىن حابارلاعان بولاتىنبىز.

قازىر وبلىس ورتالىعىندا 180 مىڭ حالىق بار. ال، باسپانا كەزەگىندە 16 مىڭعا جۋىق ادام تۇر.

اۆتور

سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى