مەملەكەت باسشىسى الماتى جولدارىنا قاتىستى اكىمدىككە تاپسىرما بەردى
پرەزيدەنت ەسكىرگەن جانە ەكولوگيالىق جاعىنان زالال كوپ كەلتىرەتىن كولىك تۇرلەرىنەن باس تارتۋ كەرەك ەكەنىن اتاپ ءوتتى.
«2025 -جىلدان كەيىن الماتى كوشەلەرىندە ديزەل وتىنىمەن جۇرەتىن اۆتوبۋستار قالماۋى كەرەك، ياعني ونىڭ ورنىنا گازبەن جۇرەتىن جانە ەلەكتر قوزعالتقىشى بار قوعامدىق كولىكتەر قاتىنايدى. ترانزيتتىك جۇك تاسىمالىنىڭ باسىم بولىگىن ۇلكەن الماتى اينالما جولىنا كوشىرۋ دە قالاعا وڭ اسەرىن تيگىزەدى»، - دەدى قاسىم-جومارت توقايەۆ.
بۇل تۇرعىدا مەملەكەت باسشىسى 6 راديالدى جانە 4 ىشكى ماگيسترالدى كوشەلەردى سالۋ كەرەك ەكەنىن ايتتى.
«ۇكىمەت اكىمدىكپەن بىرلەسىپ بۇل جوبالاردى قارجىلاندىرۋ ماسەلەلەرىن پىسىقتاۋى كەرەك. سونداي- اق قالاعا كىرەبەرىستەگى نەگىزگى جولداردى قايتا جاڭعىرتۋدى جەدەلدەتۋ قاجەت»، - دەدى پرەزيدەنت.
سونىمەن قاتار، شۇعىل شەشىمدى تالاپ ەتەدى دەدى پرەزيدەنت الماتىنىڭ ەكولوگياسى جونىندە.
الماتىنىڭ جىلۋ ەلەكتر ورتالىقتارىن گازعا كوشىرۋ زياندى شىعارىندىلار دەڭگەيىن 10 ەسەدەن استامعا تومەندەتەدى. بۇل تۋرالى بۇگىن الماتى جۇرتشىلىعىمەن كەزدەسۋ بارىسىندا مەملەكەت باسشىسى قاسىم-جومارت توقايەۆ ايتتى.
«قورشاعان ورتا ازاماتتاردىڭ دەنساۋلىعى مەن ءومىر ءسۇرۋ ۇزاقتىعىنا تىكەلەي اسەر ەتەدى. سوندىقتان، ەكولوگيا ماسەلەسى ۇنەمى نازارىمدا بولادى. الماتىلىقتاردى اۋا لاستانۋىنىڭ ەڭ جوعارى دەڭگەيى قاتتى الاڭداتاتىنىن بىلەمىن. بۇل پروبلەما قالالىقتار ءۇشىن ەڭ باستى رازريادتاردىڭ بىرىنە اينالدى ءارى شۇعىل شەشىمدى تالاپ ەتەدى»، - دەدى ق ر پرەزيدەنتى.
مەملەكەت باسشىسىنىڭ دەرەگىنشە، جىل سايىن اتموسفەراعا لاستاۋشى زاتتاردىڭ تارالۋى شامامەن 125 مىڭ توننانى قۇرايدى. لاستاۋشىلاردىڭ قاتارىندا اۆتوكولىكتەر، قالالىق ج ە و، ونەركاسىپ كاسىپورىندارى جانە گاز تارتىلماعان جەكە تۇرعىن ۇيلەر بار. احۋالدى جاپپاي سالىنىپ جاتقان قۇرىلىس نىسانداردى دا كۇردەلەنىدىرىپ وتىر.
«جول- كولىك جۇيەسىنىڭ تيىمدىلىگىن ارتتىرۋ ارقىلى قالا ەكولوگياسىن ايتارلىقتاي جاقسارتا الامىز. جاڭا تەحنولوگيالار مەن اقىلدى ترافيكتەردىڭ ارقاسىندا ازاماتتاردىڭ ۇتقىرلىعى قورشاعان ورتاعا تەرىس اسەر ەتپەيتىن بولادى. اكىمدىك قالاداعى ەكولوگيالىق قاۋىپسىزدىك نورماسىنىڭ ساقتالۋىن، اسىرەسە ونەركاسىپ كاسىپورىندارىندا ساقتالۋىن قاتاڭ قاداعالاۋى ءتيىس. ج ە و-2 مەن ج ە و-3-تى گازعا كوشىرۋ زياندى شىعارىندىلار دەڭگەيىن 10 ەسەدەن استامعا تومەندەتەدى»، - دەدى قاسىم-جومارت توقايەۆ.
