الماتى «قاسىرەتتى قاڭتاردان» كەيىن تولىعىمەن قالپىنا كەلتىرىلدى - پرەزيدەنت
«الماتى - قاستەرلى تاۋەلسىزدىگىمىزدىڭ بويتۇمارى بولعان قالا. الماتىدا ەلىمىز ءۇشىن ەڭ ماڭىزدى شەشىمدەر مەن قۇجاتتار قابىلداندى. وسى جەردە ەگەمەندىك دەكلاراتسياسىنا قول قويىلدى، تاۋەلسىزدىگىمىز جاريالاندى. ەلىمىزدىڭ بولاشاعىن ايقىنداعان باسقا دا كوپتەگەن تاعدىرلى وقيعالار ءوتتى. الماتى - ەلىمىزدىڭ ىسكەرلىك، رۋحاني، عىلىمي جانە تۋريستىك ورتالىعى. سوندىقتان، مەن قالانىڭ دامۋىنا، ونىڭ تىرشىلىككە قولايلى، جايلى بولۋىنا ايرىقشا ءمان بەرەمىن»، - دەدى پرەزيدەنت كەزدەسۋدەگى سوزىندە.
سونىمەن قاتار پرەزيدەنت الماتى «قاسىرەتتى قاڭتاردان» كەيىن تولىعىمەن قالپىنا كەلتىرىلگەنىن جەتكىزدى.
«الماتى - ەلىمىزدىڭ ەكونوميكالىق دامۋىنىڭ قوزعاۋشى كۇشى جانە كوشباسشىسى. بۇل قالا جالپى ىشكى ءونىمنىڭ بەستەن ءبىرىن، ياعني بيۋدجەتتىك كىرىستىڭ 25 پايىزدان استامىن جانە ساۋدا-ساتتىقتىڭ ۇشتەن ءبىرىن قامتاماسىز ەتەدى. بۇگىنگى تاڭدا الماتى «قاسىرەتتى قاڭتاردان» كەيىن تولىعىمەن قالپىنا كەلتىرىلدى، قالا ەكونوميكاسى تۇراقتى تۇردە دامۋدا»، - دەدى مەملەكەت باسشىسى.
