ەلدەگى العاشقى ا ە س جوباسى تانىستىرىلدى

جوبانى «قازاقستاندىق اتوم ەلەكتر ستانسيالار» سەرىكتەستىگى ۇسىندى. بالقاش كولىنىڭ جاعاسىندا ورنالاسقان ۇلكەن اۋىلى ماڭىنا گەولوگيالىق، توپوگرافيالىق، گەودەزيالىق، كليماتتىق ءارى ەكونوميكالىق زەرتتەۋ- زەردەلۋ جۇمىستارىن جۇرگىزۋ ناتيجەسىندە وسى ايماق ستانسيا سالۋعا قولايلى دەپ تاڭدالعان. اتوم ەلەكتر ستانسياسىن سالۋدىڭ الدىندا اۋقىمدى زەرتتەۋ جۇمىستارى اتقارىلعان. الداعى ون جىلدا ەلىمىزدەگى ەلەكتر قۋاتىنا دەگەن سۇرانىس ەكى ەسە ارتادى.

«ەنەرگيا كوزدەرىن تۇتىنۋ وتىز گ ۆ ت- قا جەتەدى»، - دەيدى ماماندار. ۇلكەن اۋىلى ستانسيا سالۋعا بارلىق جاعىنان سايكەس كەلىپ تۇر. بىرىنشىدەن، مۇندا بالقاش جىلۋ ەلەكتر ستانسياسىنىڭ ىسكە اسىرىلماعان جوباسىنىڭ الاڭى بار. الاڭ ءىرى ەلەكتر نىسانىن سالۋ ءۇشىن قولايلى. نەگىزگى جابدىقتار مەن سۋ جيناۋ ءۇشىن اياقتالماعان ىرگەتاس شۇڭقىرى بار، سۋ جۇيەسى مەن ەلەكتر جەلىسى تارتىلعان. جوبانى تانىستىرۋشىلار: «ۇلكەن اۋىلىندا قۋاتى مىڭ جانە 1400 مۆت دەيىنگى كەمىندە ەكى بلوكتى ا ە س سالۋ قاجەت»، - دەيدى.

اسۋان سيابەكوۆ، «قازاقستاندىق ا ە س» ج ش س باس مەنەدجەرى:

- ول بولاشاقتا 23 گ ۆ ت- قا جەتۋى مۇمكىن. سول سەبەپتى ەنەرگيا تاپشىلىعىنىڭ كوپ بولىگى وسى وڭتۇستىك وڭىردە بولادى دەپ بولجانۋدا. ويتكەنى بۇل جاقتا بىلەسىزدەر، حالىق كوبەيۋى بار. ەنەرگيا تۇتىناتىن ءىرى كومپانيالاردىڭ كوبەيۋى بار. سول سەبەپتى وسى وڭتۇستىك ايماقتا ورنالاستىرۋ جوسپارلانىپ وتىر. ينفراقۇرىلىمدىق جاعىنان دا بۇل جاقتا ۇلكەن جەلىلى سىمدار دا تارتىلعان. سولتۇستىك پەن وڭتۇستىكتى بايلانىستىراتىن تاراپ وتكەندىكتەن، وسى جەردە ا ە س سالۋ ىڭعايلى بولىپ تۇر.

دەگەنمەن قازىرگى ۋاقىتتا ەلىمىزدە ا ە س سالۋ جوباسى الماتى وبلىسىنان بولەك، اباي وبلىسىنداعى كۋرچاتوۆ قالاسىندا دا قاراستىرىلىپ جاتىر. جوبانى ىسكە اسىرۋ قۇنى بىرنەشە ميلليارد دوللاردى قۇرايدى.

داۋلەت جاراسبايەۆ، وبلىستىق ءماسليحاتتىڭ حاتشىسى:

- ول بىزگە كادىمگىدەي ينۆەستيتسيا. ول ىسكە قوسىلعاننان كەيىن اي سايىن تولەنەتىن سالىقتارى وتە كوپ. بىزگە تۇراقتى الماتى وبلىسىمىزعا تۇسەتىن قاراجات بار. سودان كەيىن رەسپۋبليكا دەڭگەيىنە كەتەتىن دە سالىقتارى بار.

ءماسليحات سەسسياسىندا دەپۋتاتتار جوبانىڭ ىسكە اسۋىن قولدادى. شەشىم ءتيىستى مينيسترلىككە جولدانادى. جالپى اتوم ەلەكتر ستانسياسى سالىناتىن جەردە 440 م ۆ ت- تان كەم ەمەس وندىرىستىك الاڭ ورنالاسۋى كەرەك. نىسان حالقى 300 مىڭنان اساتىن قالالاردان 25، ال حالىق سانى 1 ميلليوننان اساتىن شاھاردان 40 شاقىرىمنان كەم بولمايتىن جەردە سالىنۋى كەرەك. ال ۇلكەن ەلدى مەكەنى الماتىدان 400 شاقىرىم شالعايدا تۇر.

رەاكتورلاردى سالۋعا ۇمىتكەرلەر رەتىندە ازىرگە رەسەي، قىتاي، فرانسيا مەن كورەيا ەلدەرىنىڭ الپاۋىت كومپانيالارى تاڭدالىپ وتىر. «ا ە س- ءتىڭ تەحنيكالىق ەكونوميكالىق نەگىزدەمەسى ازىرلەنىپ جاتىر. ول كەلەسى جىلى قابىلدانسا، جوبانى ىسكە اسىرۋ مەرزىمى ون جىلعا جالعاسادى»، - دەيدى ماماندار.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى