الماتى وبلىسىندا ۇيشىكتەن قارۋ-جاراق تابىلدى
«15- قاراشادا الماتى وبلىسى پوليتسياسىنا ىلە اۋدانىنىڭ اۋماعىندا اتىس قارۋىنىڭ ساقتالعاندىعى تۋرالى جەدەل اقپارات كەلىپ ءتۇستى. قارۋ-جاراق قويماسى ىلە اۋدانىنىڭ بورالداي اەرودرومىنىڭ جانىنداعى «ريف-راف» مەيرامحاناسىنىڭ ارتىنداعى قاراۋسىز قالعان ۇيشىكتەن تابىلدى. ىلە اۋدانىنىڭ پ ب تەرگەۋشىلەرى ت ت ماركالى تاپانشانى، پاترونداردى، گراناتانى جانە وق وتكىزبەيتىن كەۋدەشەنى تاركىلەدى. اتالعان فاكتى بويىنشا ق ر ق ك 287-بابى 3-بولىگى بويىنشا تەرگەۋ باستالدى»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ساراپتاما ناتيجەلەرى قويمادان تابىلعان قارۋلاردىڭ قىلمىسقا پايدالانىلعانىن، نە پايدالانىلماعانىن كورسەتەدى. ال قارۋدىڭ كىمگە تيەسىلى ەكەنى سوت-بالليستيكالىق ساراپتاماسى انىقتايتىنىن بولادى. قىلمىستىق ءىس بويىنشا تەرگەۋ بارىسىن الماتى وبلىسى پ د باسشىلىعى باقىلاۋعا الدى.
