استانالىق دەپۋتات جايلى مەكتەپتەردىڭ دەنى سول جاعالاۋدا سالىناتىندىعىن ايتتى

«استانادا جايلى مەكتەپتەردىڭ دەنى سول جاعالاۋدا سالىنىپ جاتىر. ارينە، سول جاعالاۋ بىزدە جاڭا قالا. جاڭا تۇرعىن ۇيلەر، جاڭا مەكتەپتەر ول تۇسىنىكتى. دەگەنمەن ءبىر ءسات وڭ جاعالاۋدى دا ۇمىتپاۋ كەرەك. جايلى مەكتەپتەردى قالانىڭ ەسكى اۋداندارى مەن شەت جاعىندا دا سالۋ قاجەت. تۇرعىندارعا تەڭدەي جاعداي جاساۋ كەرەك. ايتپەسە، جاڭانىڭ بارلىعى قالانىڭ سول جاعالاۋىندا سالىنادى. ولاي دۇرىس ەمەس»، - دەدى اسحات سماعۇلوۆ ءماسليحات وتىرىسىندا ساۋال جولداي وتىرىپ.

ونىڭ ايتۋىنشا، جاڭا مەكتەپتەر ستاندارتقا ساي قالانىڭ وڭ جانە سول جاعالاۋىندا تەڭدەي سالىنۋى ءتيىس.

«جاڭا عانا ەلىمىزدە مەكتەپتەردىڭ ارنايى ستاندارتقا سايكەس سالىناتىنى ايتىلدى. ولاي بولسا قالا اۋداندارى بويىنشا دا تەڭدىكتىڭ بولعانى ابزال. ايتپەسە، «Binom» مەكتەبىندەگى جاعدايدى كورىپ وتىرسىزدار عوي. بارلىعى بالاسىن «Binom» - عا بەرگىسى كەلەدى. ال قالانىڭ بۇرىنعى اۋداندارىندا تۇراتىن سول ەسكى مەكتەپتەردە وقىپ جاتىر. ەسكى مەكتەپتەردى بۇزۋ نەمەسە قايتا جوندەۋدەن وتكىزۋ كەرەك. ياعني ول مەكتەپتەردى جايلى مەكتەپ دەڭگەيىنە جەتكىزۋ قاجەت»، - دەيدى ول.

ايتا كەتسەك، بۇگىن قالالىق ءماسليحاتتىڭ جالپى وتىرىسىندا ەلوردادا «جايلى مەكتەپ» جوباسىن ىسكە اسىرۋ بارىسى قارالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى