سولتۇستىك قازاقستاندا قىستىڭ العاشقى ەكى ايى قارلى- بوراندى بولادى - قازگيدرومەت

«قازگيدرومەت» ر م ك بولجامى بويىنشا جەلتوقسان- قاڭتار ايلارى بوراندى بولىپ، قار قالىڭ تۇسەدى. س ق و توتەنشە جاعدايلار دەپارتامەنتىنىڭ ءبولىم باسشىسى سەرىك ناۋرىزبايەۆتىڭ ايتۋىنشا، وڭىردە ءبىرقاتار كەشەندى شارا قولعا الىندى. بۇگىندە 300 جىلىتۋ پۋنكتى دايىن تۇر. جولداردى اشۋعا قاجەت 1250 تەحنيكا ساقاداي ساي.

«سوڭعى ەكى جىلدا قىستا ورتا ەسەپپەن 30 رەت جولدار جابىلىپ، جەڭىل كولىكتەردىڭ جۇرۋىنە شەكتەۋ قويىلدى. وتكەن قىستا ت ج د، جەرگىلىكتى بيلىك جانە جول ۇيىمدارىنىڭ كۇشىمەن جولدا قالعان ادامدار 31 رەت قۇتقارىلدى. كومەك بەرىلگەن 86 ادامنىڭ 8 ءى - بالا.

بىلتىر قار از بولدى. ءبىراق سوعان قاراماستان 23 رەت جول جابىلىپ، كولىكتىڭ ءجۇرۋى شەكتەلدى. بيىل قازان ايىنان باستاپ رەسپۋبليكالىق ماڭىزداعى جولدار ەكى رەت جابىلدى»، - دەيدى سەرىك ناۋرىزبايەۆ.

ماماننىڭ ايتۋىنشا، س ق و اۋماعىندا 406 قار باساتىن اۋماق ەسەپكە الىندى. جالپى وڭىردە 9 مىڭ شاقىرىمعا جۋىق جول بار.

بيىل قىس باستالماي جاتىپ قۇتقارۋشىلار ءبىرقاتار اپاتتىق- قۇتقارۋ جۇمىسىن جۇرگىزگەن. سونىڭ ءبىرى 5-قاراشا كۇنى تايىنشا اۋدانىنداعى كەللەروۆكا ەلدى مەكەنىندە بولدى. اۋا رايىنىڭ بۇزىلۋىنا وراي رەسپۋبليكالىق ماڭىزداعى جول جابىلىپ، اۆتوبۋسپەن كەلە جاتقان 43 ادام، سونىڭ ىشىندە 7 بالا جىلىتۋ پۋنكتىنە ورنالاستىرىلدى. ولاردىڭ بارلىعى رەسەي ازاماتتارى. جولاۋشىلار تۇنەپ، تاڭەرتەڭ امان- ەسەن ساپارلارىن جالعاستىردى.

«ءوڭىر تۇرعىندارى مەن قوناقتارىن داۋىلدى ەسكەرتۋلەرگە قۇلاق اسىپ، كۇن رايى بۇزىلعان جاعدايدا، بوراندا جولعا شىقپاۋعا كەڭەس بەرەمىن. الىس جولعا شىققان جاعدايدا كولىكتىڭ تەحنيكالىق جاعدايىن تەكسەرتىپ العان ءجون. وزىڭىزبەن بىرگە كۇرەك، ماي شام، جىلى كيىم الىپ شىعۋدى ۇمىتپاڭىز. ديزەلمەن جۇرەتىن كولىك بولعان جاعدايدا ماۋسىمدىق وتىندى پايدالانۋ قاجەت. ويتكەنى بۇعان دەيىن جازعى ديزەل وتىنىن قۇيىپ، جولدا تۇرىپ قالعان كولىكتەر بولدى»، - دەيدى س ق و ت ج د ءبولىمىنىڭ باستىعى سەرىك ناۋرىزبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى