بانك كارتاسىنان اقشا ۇرلانسا نە ىستەۋ كەرەك؟
OLX ساراپشىلارى الاياقتى قالاي تانۋعا بولاتىنى، الاياققا تاپ بولعاندا نە ىستەۋ كەرەگى تۋرالى ايتتى.
قازاقستان رەسپۋبليكاسى ىشكى ىستەر مينيسترلىگىنىڭ مالىمەتىنشە، 2022-جىلدىڭ باسىنان بەرى ەلىمىزدە ينتەرنەت-الاياقتىقتىڭ 11763 دەرەگى تىركەلگەن. فيشينگ OLX جارناما قىزمەتىندەگى كوپ تارالعان الاياقتاردىڭ بىرىنە اينالدى. الاياقتار ۇقساس سايت جاساۋ ارقىلى سىلتەمەنى ەلەكترون پوشتاعا نەمەسە باسقا بايلانىس ارنالارى ارقىلى حات جىبەرەدى. بۇل فيشينگ سايت سىزدەن اقپاراتتى، سونىڭ ىشىندە بانك دەرەكتەمەلەرىن (كارتا ءنومىرى جانە CVV كود) تولتىرۋدى سۇرايدى. وسىلاي الاياقتار قۇپيا اقپاراتتى الىپ، ونى ءوز ماقساتتارىنا پايدالانادى.
OLX- تە الاياقتى قالاي تانۋعا بولادى؟
OLX- تەگى كەز كەلگەن جارناما ۇسىنىستاردى مۇقيات وقىپ شىعۋ كەرەك.
ۇسىنىلعان ءونىم نەمەسە قىزمەت ءۇشىن وتە تومەن باعا. كوبىنە الاياقتار ىقتيمال قۇربانداردى تارتۋ ءۇشىن باعانى نارىقتان تومەن ەتىپ بەلگىلەيدى.
پسيحولوگيالىق ادىستەر. ساتىپ الۋشىنى تەزىرەك شەشىم قابىلداۋ ءۇشىن جانە ونىڭ اقشاسىن تەزىرەك الۋ ءۇشىن الاياقتار ءونىمدى ساتىپ العىسى كەلەتىن تۇتىنۋشىلار تۋرالى كوپ ايتادى.
الدىن الا تولەم جاساۋ. الاياقتار ءونىمنىڭ سۇرانىسقا يە ەكەنىن ايتىپ، سىزدەن دەپوزيت جاساۋ سۇرايدى. اقشانى جىبەرگەننەن كەيىن جالعان ساتۋشى بايلانىسىن ۇزەدى.
ساپاسىز جارناما. گرامماتيكالىق، پۋنكتۋاتسيالىق جانە ستيليستيكالىق قاتەنىڭ كوپ بولۋى كۇمان كەلتىرەدى.
OLX- تە الاياققا تاپ بولساڭىز، نە ىستەۋىڭىز كەرەك؟
الاياقتار كارتادان اقشانى الىپ قويسا، نە ىستەۋ كەرەك؟ بانككە حابارلاسىپ، كارتانى بۇعاتتاڭىز. ءسىزدىڭ قۇپيا دەرەگىڭىز باسقا ادامدارعا بەلگىلى بولسا، مىندەتتى تۇردە بانك كارتاسىن قايتا شىعارۋىڭىز كەرەك. شوتتا اقشا قالسا دا، قىلمىسكەرلەر دەرەگىڭىزدى كەيىن پايدالانبايتىنىنا كەپىلدىك جوق.
قىلمىسكەرلەردى ىزدەۋ ءۇشىن قۇقىق قورعاۋ ورگاندارىنا ارىز جازىڭىز. ەگەر OLX- تە قانداي دا ءبىر قولدانۋشى ءسىزدى الداعان بولسا، ءسىز حاتىڭىزدى، سكرينشوتتاردى، جارنامانى دالەل رەتىندە پايدالانا الاسىز.
OLX بارلىق قولدانۋشىنى قىلمىسكەرلەردەن ساق بولۋ ءۇشىن «كەرى بايلانىس فورماسىن» جاسادى. ەگەر ءسىز الاياقتارعا الدانىپ قالساڭىز، OLX- كە ترانزاكتسياڭىزدىڭ بارلىق مالىمەتىن بەرىڭىز.
كارتاداعى اقشا قايدا اۋدارىلعانىن قالاي بىلۋگەبولادى؟
الاياقتىڭ جەكە باسىن انىقتاۋ، وكىنىشكە قاراي، وڭاي ەمەس. مۇنىڭ ءبارى شوتتان اقشانىڭ قالاي الىنعانىنا بايلانىستى. ەگەر الاياقتار بانكومات ارقىلى قولما-قول اقشا السا، بەينەباقىلاۋ جازباسى ارقىلى الاياقتى تانۋعا بولادى. ەگەر بانك اۋدارىمى جاسالىپ، قاراجات الىنسا، الاياقتىڭ كارتاسىنىڭ ءنومىرىن بىلە تۇرا، ونىڭ دەرەكتەرىن الا المايمىز. شوت نەمەسە كارتا اشقاندا بانكتەر كليەنتتەر ۇسىنعان اقپاراتتىڭ قۇپيالىلىعىنا جانە جاريا ەتىلمەۋىنە كەپىلدىك بەرەدى.
كارتادان الىنعان اقشا قايتارىلا ما؟
بارلىعى جاعدايعا بايلانىستى. ءاربىر الاياقتىق ءىس بويىنشا تەكسەرىس جۇرگىزىلەدى. قولدانۋشىنىڭ ءوزىنىڭ ابايسىزدىعىنان اقشاسىنان ايىرىلعان جاعدايدا قاراجات قايتارىلمايدى.
