جانىبەك ءالىمحان ۇلى مەن گەننادي گولوۆكين كەزدەسۋى مۇمكىن بە؟

«ەكى بوكسشى دا قازاقستاننىڭ وكىلى. ءبىراق، بىرگە جاتتىعۋ جۇرگىزبەيدى. سپاررينگتەر وتكىزبەيدى. جالپى شارشى الاڭدا جولىعۋى دا ەكىتالاي. قازىر ەشتەڭە بەلگىسىز»، - دەيدى ماكگيرت.

الايدا ورتا سالماقتاعى تاعى ءبىر چەمپيوندىق بەلدىكتىڭ يەگەرى دجەرامال چارلومەن كەزدەسۋ قىزىقتىراق ەكەنىن العا تارتتى. ياعني قازاقستاندىق جانە امەريكالىق بوكسشىلار ءوزارا مىقتىنى انىقتاپ، چەمپيوندىق بەلدىكتەرىن بىرىكتىرە الادى. قالاي بولعاندا دا جانىبەك قازىر ەلىنە ورالىپ، بىرەر اي تىنىعادى.

«ال كەشەندى جاتتىعۋ جۇمىستارىنا الداعى جىلدىڭ باسىندا كىرىسەمىز»، - دەپ ءسوزىن ءتۇيدى باپكەر.

ايتا كەتەيىك، جانىبەك بۇگىنگى تاڭدا WBO تۇجىرىمى بويىنشا الەم چەمپيونى جانە جۋىردا عانا ءوز اتاعىن قورعاپ قالدى. ا ق ش تورىندە بريتاندىق دەنزەل بەنتليدى تورەشىلەر شەشىمىمەن جەڭگەن بولاتىن. وسى ارقىلى كاسىپقوي بوكستاعى كورسەتكىشىن 13 جەكپە- جەك، 13 جەڭىسكە جەتكىزدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى