قوستانايداعى ورتكە كىنالى بىرنەشە لاۋازىمدى تۇلعا كۇدىككە ءىلىندى - مينيستر

«قوستاناي وبلىسىنداعى ورتكە قاتىستى قازىر تەرگەۋ ءجۇرىپ جاتىر. تەرگەۋشىلەر ءبىرقاتار لاۋازىمدى تۇلعانى ۇستادى. ولارعا ايىپ تاعىلۋدا»، - دەدى توتەنشە جاعدايلار ءمينيسترى.

ەسكە سالايىق، قىركۇيەك ايىندا قوستاناي وبلىسىنا قاراستى اۋليەكول اۋدانىندا ورمان ورتەنگەن ەدى. بىرنەشە كۇنگە جالعاسقان ءورت سالدارىنان 2091 ادام ەۆاكۋاتسيالانىپ، 12 تۇرعىن ءتۇرلى جاراقات الدى.

امانقاراعاي، وزەرنوە جانە لەسنوە اۋىلدارىنان – 1841، باعانالى جانە قازانباسى ەلى مەكەندەرىنەن 250 ادام قاۋىپسىز جەرلەرگە كوشىرىلدى.

سونىمەن قاتار، امانقاراعاي اۋىلىندا 98 ءۇي ورتەنىپ كەتتى. قازىرگى تاڭدا ءتىلسىز جاۋ سالدارىنان باسپاناسىنان ايىرىلعاندارعا ءۇي سالىندى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى