بيىل قازاقستان مەن رەسەي ازاماتتارى اراسىندا قانشا نەكە قيىلدى؟

«مالىمەت بويىنشا، 2022 -جىلدىڭ قىركۇيەگى مەن قازانىندا قازاقستان رەسپۋبليكاسىنىڭ اۋماعىندا قازاقستان رەسپۋبليكاسى مەن رەسەي فەدەراتسياسىنىڭ ازاماتتارى اراسىندا 485 نەكە قيىلعان»، - دەلىنگەن حابارلامادا.

ءبىراق بۇل دەرەكتەردىڭ بىلتىرعىدان كوپ ايىرماشىلىعى جوق ەكەنى اتاپ ءوتىلدى. 2021 -جىلدىڭ ءدال وسى كەزەڭىندە قازاقستاندىقتاردىڭ رەسەيلىكتەرمەن 494 نەكەسى قيىلعان.

قاراستىرىلىپ وتىرعان كەزەڭدە ەڭ كوپ نەكە الماتى - 94 (2021 -جىل - 75)، استانا - 51 (2021 -جىل - 46) جانە قاراعاندى وبلىسى - 45 (2021 -جىل - 49) بولدى.

نەكەگە تۇرعان ادامداردىڭ ورتاشا جاسى ەرلەردە 26-29 جاس، ايەلدەردە 23-28 جاس.

«زەرتتەۋ بويىنشا سوڭعى جىلى قازاقستان رەسپۋبليكاسى مەن رەسەي فەدەراتسياسىنىڭ ازاماتتارى اراسىندا تىركەلگەن نەكەلەر سانىنىڭ 14 پايىزعا تومەندەگەنى بايقالادى. ماسەلەن، 2021 -جىلدىڭ 10 ايىندا 2153 نەكە، 2022 -جىلدىڭ 10 ايىندا 1851 نەكە جاسالدى»، - دەپ تولىقتىردى ۆەدومستۆو وكىلى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى