جەلىدە مۇحتار شاحانوۆ تۋرالى جالعان اقپارات تارادى

مۇحتار شاحانوۆتىڭ كومەكشىسى قۇديار ءبىلالدىڭ سوزىنشە، بۇل جالعان اقپارات.

بۇل تۋرالى ول Facebook-پاراقشاسىندا ايتتى.

«الەۋمەتتىك جەلىدە «مۇحتار شاحانوۆتى «قارتتار ۇيىنە» وتكىزىپ جىبەرىپتى» دەيتىن شىندىققا ۇيلەسپەيتىن جاڭساق اقپارات تاراپ ءجۇر. سوعان بايلانىستى ماعان دا حابارلاسىپ جاتقاندار بار. باسىن اشىپ ايتايىق. مۇنىڭ ءبارى بوس ءسوز»، - دەپ جازعان ول.

قۇديار ءبىلال جالعان اقپارات قالاي تاراپ كەتكەنىن ءتۇسىندىردى.

«بار اڭگىمە، ءبىز مۇحاڭمەن بىرگە تاماقتانىپ وتىرعان اسحاناعا جەتىمدەر ۇيىندە تاربيەلەنىپ، ءوز ەڭبەكتەرىمەن جەتىستىككە جەتكەن ەكى جىگىت كەلىپ، مۇحاڭا ساعات سىيلادى. سول اڭگىمە ۇستىندە بىرەۋى: «بالالارىن تاستاپ كەتكەن اتا-انالار تۋرالى نە ايتاسىز» - دەپ سۇرادى. مۇحاڭ: «وندايلار ەشاكتار(ەسەكتەر)»، - دەدى. بارى - وسى. سوندىقتان ءبىزدىڭ كەي «دوستارىمىز» ءورشىتىپ جاتقان جالعان اقپاراتقا بوي الدىرماڭىزدار. ءدال قازىر مۇحاڭ وقىرماندارىمەن كەزدەسىپ جاتىر. سول سۋرەتتى قوسا جاريالايمىن»، - دەپ جازعان جۋرناليست پاراقشاسىندا.

مۇحتار شاحانوۆ - قازاق اقىنى، دراماتۋرگى، قازاقستاننىڭ ەڭبەك ەرى. ونىڭ «سىرداريا»، «باقىت»، «باللادالار»، «سەنىم پاتشالىعى» كىتاپتارى مەن «ەۆەرەستكە شىعۋ»، «عاشىقتىق عالاماتى»، «ەركەكتەر جىرى»، «ارمان» جانە تاعى دا باسقادا كوپتەگەن ولەڭدەرى بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى