بۇگىن استانادا ايگىلى بەستسەللەر - «مەملەكەتتەر نەگە دامىماي قالادى؟» كىتابى تانىستىرىلادى
شارا بارىسىندا وقىرماندارعا حالىقارالىق بەستسەللەر اۆتورىمەن سۇحباتتاسىپ، ءوز قولىنان قولتاڭبا الۋ مۇمكىندىگى بولادى.
دارون ادجەموگلى مەن دجەيمس روبينسوننىڭ «مەملەكەتتەر نەگە دامىماي قالادى؟» كىتابى - سەميۋەل حانتينگتون، دجارەد دايموند نەمەسە فرەنسيسس فۋكۋياما ەڭبەكتەرىمەن سالىستىرۋعا بولاتىن، سوڭعى ۋاقىتتاعى ەڭ ءىرى ساياسي- ەكونوميكالىق بەستسەللەردىڭ ءبىرى. اۆتورلار تاريحشىلاردى، ەكونوميستەر مەن فيلوسوفتاردى عاسىرلار بويى الاڭداتقان سۇراققا جاۋاپ ىزدەيدى. «الەمدىك تەڭسىزدىكتىڭ سەبەبى نەدە، نەگە الەمنىڭ بايلىعى جەر بەتىندەگى ەلدەر مەن ايماقتارعا بىركەلكى بولىنبەيدى؟» دەگەن سۇراقتاردى تارقاتا وتىرىپ، ساياسات پەن ەكونوميكانى زەردەلەي كەلە جاۋاپ بەرىلگەن. ادامزات بالاسى ءومىر سۇرگەن بارلىق ۋاقىت پەن كەڭىستىكتى قامتۋى بۇل كىتاپتى ساياسي- ەكونوميكالىق ويدىڭ ناعىز ەنتسيكلوپەدياسىنا اينالدىرادى.
ءىس-شاراعا فيلولوگيا عىلىمدارىنىڭ دوكتورى، پروفەسسور، رەسەي حالىقارالىق جوعارى مەكتەپ عىلىم اكادەمياسىنىڭ اكادەميگى ءادىل احمەتوۆ، تاريحشى، تاريح عىلىمدارىنىڭ دوكتورى، پروفەسسور، قازاق ءبىلىم اكادەمياسىنىڭ اكادەميگى بۇركىتباي اياعان، Parakosm كومپانياسىنىڭ يەسى سۋفيان بين ۋزاير، فيلولوگيا عىلىمدارىنىڭ كانديداتى، دوتسەنت گۇلنار ساپاربەكوۆا، اقىن- اۋدارماشى، ساياساتكەر، «پەرو» جەكە قورىنىڭ نەگىزىن قالاۋشى ەلدەن سارىباي، جۋرناليست، ءال- فارابي اتىنداعى قازۇۋ دوكتورانتى، كولۋمبيا ونەر جانە عىلىم كوللەدجىنىڭ «مەديا جانە كومۋنيكاتسيالىق زەرتتەۋلەر» ماماندىعى بويىنشا تۇلەگى جايناگۇل تولەمىس، كىتاپتى قازاقشاعا اۋدارىپ، جارىققا شىعارعان «مازمۇنداما» قوعامدىق قورىنىڭ باسشىسى تەڭىز سەيىلحان مەن اۋدارماشى ءومىرزاق اقجىگىت قاتىسادى.
سونىمەن قاتار قازاقستانداعى ۇلىبريتانيا ەلشىلىگى، قازاقستان ستراتەگيالىق زەرتتەۋلەر ينستيتۋتىنىڭ قىزمەتكەرلەرى مەن كىتاپحانانىڭ عالىم- وقىرماندارى جانە ZOOM پلاتفورماسى ارقىلى قالىڭ وقىرماندار ونلاين قاتىسا الادى.
