مال ۇرلىعىمەن اينالىسقان قىلمىستىق توپ قۇرىقتالدى
ب ق و پوليتسيا دەپارتامەنتىنىڭ رەسمي وكىلى، پوليتسيا پولكوۆنيگى بولاتبەك نۇرعوجيننىڭ ءمالىم ەتكەنىندەي، قازىرگى كەزدە ءتورت ەر ادامنىڭ ءبىرقاتار اۋىر قىلمىستارعا قاتىسى تەكسەرىلۋدە.
قىلمىستىق توپ 11-قاراشا كۇنى تەرەكتى اۋدانى پودستەپنىي كەنتى ماڭىنداعى سامارا- شىمكەنت تاس جولىندا قولعا ءتۇستى.
«1980، 1985، 1985 جانە 1988 -جىلعى كۇدىكتىلەر بيىلعى شىلدەدەن باستاپ ءبىرقاتار اۋىر قىلمىس جاساعانى ءۇشىن كريمينالدىق پوليتسيا باسقارماسىنىڭ نىساناسىنا ىلىككەن ەدى. سول كۇنى ولار تەرەكتى اۋدانى بەكەي اۋىلى تۇسىندا ەركىن جايىلىمنان ءبىر جىلقىنى ۇرلاپ اكەتكەن. ونىڭ ۇشاسى ۇستاۋ كەزىندە «ۆاز-2111» كولىگىنەن تابىلدى. جاۋاپ الۋ بارىسىندا قولعا تۇسكەندەردىڭ ءبىرى 2021-2022 -جىلدارى اقجايىق، كازتالوۆ جانە تەرەكتى اۋداندارى اۋماعىندا مال ۇرلىعىنىڭ 10 ەپيزودىنا، سونداي-اق 2021 -جىلدىڭ 18-ناۋرىزىندا كومپانيا كەڭسەسىنە جاسالعان قاراقشىلىق شابۋىلعا قاتىسقانىن مويىندادى»، دەدى ب. نۇرعوجين.
كۇدىكتىلەر ق ر قىلمىستىق ءىس جۇرگىزۋ كودەكسىنىڭ 128-بابى تارتىبىمەن تەرەكتى اۋدانى ۋاقىتشا ۇستاۋ يزولياتورىنا قامالدى.
ق ر ق ك 188-1-بابىنا سايكەس دالەلدەمەلىك بازانى جيناۋ، ولارمەن قىلمىستىق بايلانىسى بار ادامدار توبىن انىقتاۋ، سونداي-اق كۇدىكتىلەردىڭ ب ق و اۋماعىندا جاسالعان مال ۇرلىعىنىڭ اشىلماعان دەرەكتەرىنە قاتىسى بويىنشا تەرگەۋ امالدارى جۇرگىزىلۋدە.
