جانىبەك ءالىمحان ۇلى بەنتليمەن كەزدەسۋدە قانداي قاتەلىك جىبەردى - باپكەردىڭ پىكىرى
«جانىبەك قارسىلاسىن تەز نوكاۋتقا تۇسىرەم دەپ ويلادى، ءبىراق ولاي بولمادى. بىزگە ءادىس-ءتاسىلىمىزدى وزگەرتۋ كەرەك بولدى. جەكپە-جەكتىڭ ورتاسىندا قارسىلاسىمىز قاشىقتىقتى قىسقارتا باستادى، سودان كەيىن مەن: «تىڭداشى، بۇل جىگىتپەن بۇلاي بوكستاسۋعا بولمايدى. سەن ونى قىسىمعا الۋىڭ كەرەك» دەدىم. ول مەنىڭ ايتقانىمدى ورىنداپ، قارسىلاسىن باقىلاۋىنا الدى.
العاشقى راۋندتاردا بەنتلي جانىبەكتىڭ ايلاسىنا بوي ۇسىنعان ەدى، كەيىن ءسال كىدىرىس جاساپ، ءالىمحان ۇلىنىڭ جالعىز سوققىمەن عانا شەكتەلىپ جاتقانىن بايقاپ، سول ءساتتى پايدالانىپ كەتتى. سوعان قاراماستان، جانىبەك ونىنشى راۋندتان باستاپ شيراق قيمىلداي باستادى دا جەكپە-جەكتىڭ سوڭىنا دەيىن باسىمدىق تانىتتى»، - دەدى جاتتىقتىرۋشى.
ەسكە سالايىق، جانىبەك ءالىمحان ۇلى مەن دەنزەل بەنتلي 12- قاراشادا ا ق ش- تىڭ نيەۆادا شتاتىنداعى لاس-ۆەگاس قالاسىنىڭ Palms Casino Resort كەشەنىندە جەكپە-جەك وتكىزگەن بولاتىن. تورەشىلەردىڭ ءبىراۋىزدان قابىلداعان شەشىمىمەن قازاقستاندىق بوكسشى جەڭىسكە جەتتى.
