سيريا پروتسەسىنىڭ كەزەكتى وتىرىسىندا قانداي ماسەلەلەر تالقىلانادى - ايبەك سمادياروۆ

بۇل تۋرالى ول سىرتقى ىستەر ۆەدومستۆوسىندا جۋرناليستەرمەن بولعان بريفينگتە ءمالىم.

«22-23- قاراشادا استانا قالاسىندا «استانا فورماتىندا» سيريا بويىنشا جوعارى دەڭگەيدەگى كەزەكتى 19-حالىقارالىق كەزدەسۋ وتەدى. كەزدەسۋگە كەپىلگەر ەلدەر: يران، رەسەي جانە تۇركيا دەلەگاتسيالارى. سونداي-اق، وعان سيريا ۇكىمەتى مەن قارۋلى وپپوزيتسياسىنىڭ وكىلدەرى قاتىسادى. بايقاۋشى رەتىندە بىرىككەن ۇلتتار ۇيىمى، يوردانيا، يراك پەن ليۆان وكىلدەرى قاتىسۋى مۇمكىن»، - دەدى مينيسترلىكتىڭ رەسمي وكىلى.

ايبەك سمادياروۆتىڭ مالىمدەۋىنشە، كەلىسسوزدەر بارىسىندا تاراپتار مىنا ماسەلەلەردى تالقىلايدى:

- سيرياداعى جاعداي، ونىڭ ىشىندە گۋمانيتارلىق، الەۋمەتتىك-ەكونوميكالىق احۋال؛

- ساياسي پروتسەستى كەشەندى ىلگەرىلەتۋ؛

- سەنىم شارالارى، ونىڭ ىشىندە كەپىلگە الىنعانداردى بوساتۋ جانە ءىز-ءتۇزسىز جوعالعانداردى ىزدەۋ؛

- بىرىككەن ۇلتتار قاۋىپسىزدىك كەڭەسىنىڭ 2642 قارارىنا سايكەس، سيريانى قايتا قالپىنا كەلتىرۋ جانە سيريالىق بوسقىنداردى وتانىنا قايتارۋ ءۇشىن جاعداي جاساۋ ماقساتىندا حالىقارالىق قاۋمداستىقتىڭ كۇش-جىگەرىن جۇمىلدىرۋ؛

بۇدان بولەك، كەلىسسوزدەر شەڭبەرىندە كەپىلگەر ەلدەردىڭ ب ۇ ۇ- مەن جانە حالىقارالىق «قىزىل كرەست» كوميتەتىنىڭ ماجبۇرلەپ ۇستالىپ وتىرعان تۇلعالار بويىنشا جۇمىس توبىنىڭ وتىرىسى وتپەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى