شەكتەۋى بار ادامداردى ءۇش مەملەكەتىڭ شەكاراسىنان وتكىزۋمەن اينالىسقان قىلمىستىق توپ ۇستالدى
«2022 -جىلعى 21-قازاندا ق ر ۇلتتىق قاۋىپسىزدىك قىزمەتىنىڭ شەكارا قىزمەتىنىڭ تۇركىستان وبلىسى بويىنشا دەپارتامەنتى پروكۋراتۋرا ورگاندارىمەن ءوزارا ءىس- قيمىل جاساي وتىرىپ، شەكارادان وتۋگە شەكتەۋى بار ادامداردى قازاقستان رەسپۋبليكاسى، وزبەكستان رەسپۋبليكاسى، رەسەي فەدەراتسياسىنىڭ مەملەكەتتىك شەكاراسى ارقىلى زاڭسىز كوشى- قون ارناسىن ۇيىمداستىرۋمەن اينالىسقان ترانسشەكارالىق قىلمىستىق توپ ارەكەتىنىڭ جولىن كەستى»، - دەلىنگەن حابارلامادا.
جۇرگىزىلگەن جەدەل- ىزدەستىرۋ ءىس- شاراسىنىڭ ناتيجەسى بويىنشا قىلمىستىق توپتىڭ بەلسەندى قاتىسۋشىسى بولىپ تابىلاتىن شەتەل ازاماتى زاڭعا قايشى قىزمەتى ءۇشىن 700000 (جەتى ءجۇز مىڭ) تەڭگە سوماسىنداعى اقشالاي قاراجاتتى الۋ بارىسىندا ۇستالدى.
شەتەل ازاماتىنا جانە قىلمىستىق توپتىڭ باسقا دا مۇشەلەرىنە قاتىستى ق ر ق ك 394-بابى 2-بولىگى (زاڭسىز كوشى- قوندى ۇيىمداستىرۋ) بويىنشا قىلمىستىق ءىس قوزعالدى.
ۇستالعان ادام قاماۋعا الىندى.
