قازاقستانعا ەۋرووداقتىڭ قاۋىپسىزدىك جونىندەگى جوعارعى وكىلى كەلەدى
بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگتە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«ەۋروپالىق وداقتىڭ سىرتقى ىستەر جانە قاۋىپسىزدىك جونىندەگى جوعارعى وكىلى جوزەپ بوررەل 16-17-قاراشادا قازاقستانعا رەسمي ساپارمەن كەلەدى. ساپار اياسىندا جوزەپ بوررەلدىڭ ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىمەن جانە مەملەكەت باسشىلىعىمەن ەكىجاقتى كەزدەسۋلەرى جوسپارلانعان»، - دەپ اتاپ ءوتتى ۆەدومستۆونىڭ رەسمي وكىلى.
ونىڭ ايتۋىنشا، كەلىسسوزدەر بارىسىندا تاراپتار كۇن تارتىبىندەگى وڭىرلىك جانە حالىقارالىق وزەكتى ماسەلەلەردى تالقىلايدى. سونىمەن قاتار، قازاقستان- ەۋرووداق اراسىنداعى ىنتىماقتاستىقتى ودان ءارى دامىتۋ پەرسپيكتيۆالارى دا ءسوز بولماق.
