مينيستر بەنزين مەن گاز باعاسىنا قاتىستى پىكىر ءبىلدىردى
Green Step ۇلتتىق الەۋمەتتىك ناۋقانىنىڭ جوبالارىن ماراپاتتاۋ ءراسىمى اياسىندا جۋرناليستىڭ سۇراعىنا جاۋاپ بەرگەن اقشولاقوۆ باعانىڭ كۇرت ءوسۋى «مۇلدە جوسپارلانباعانىن» ايتتى.
«ءبىز بۇل الەۋمەتتىك ماڭىزدى ماسەلە ەكەنىن تۇسىنەمىز. ازىرگە اي-92 باعاسىنىڭ كۇرت ءوسۋىن تەجەۋ ساياساتىن جالعاستىرامىز. بۇل سۇيىتىلعان گازعا دا قاتىستى. وندىرۋشىلەر ءۇشىن جەتكىلىكتى ءادىل باعا بەرۋ كەرەك ەكەنى تۇسىنىكتى. بۇگىن گازدىڭ بەلگىلەنگەن شەكتى باعاسىنىڭ ىشىندە ونى وندىرۋشىلەر مەن ساتۋشىلار اراسىندا قايتا ءبولۋ مۇمكىندىگى ءالى دە بار. ەشتەڭە بۇرمالانباۋى ءۇشىن. ويتكەنى زاۋىتتار كەم دەگەندە وزىندىك قۇنىن الۋى كەرەك. ارينە، ءبىز دە بولشەك ساۋدا باعاسىنا جول بەرە المايمىز. ءبىز قازىر وڭتايلاندىرۋعا تىرىسامىز. سوندىقتان الداعى جارتى جىلدا باعانىڭ ايتارلىقتاي ءوسۋى جوسپاردا جوق. ءبىز قازىر جالپى، باعا ءوسۋىنىڭ الدىن الۋ جولىن قاراستىرىپ جاتىرمىز»، - دەپ ءتۇسىندىردى بولات اقشولاقوۆ.
