اتىراۋ مۇناي وڭدەۋ زاۋىتىندا جوندەۋدەن سوڭ تاۋلىگىنە قانشا تونناعا دەيىن گاز وندىرىلەدى

«اتىراۋ م ءو ز» ج ش س- ءنىڭ باسپا ءسوز قىزمەتىنىڭ مالىمەتىنشە، ءونىم وندىرۋگە قاتىستى وندىرىستىك باعدارلاما اي سايىن جاساقتالادى.

«زاۋىتتا جۇرگىزىلىپ جاتقان جوسپارلى الدىن الۋ، جوندەۋ جۇمىستارىن ەسكەرە وتىرىپ، جاساقتالعان وندىرىستىك باعدارلاماعا سايكەس، 1-8- قاراشا ارالىعىنداعى سۇيىتىلعان مۇناي گازىن ءوندىرۋ كولەمى 427 توننانى قۇرادى. ال، 9- قاراشاداعى كورسەتكىش بويىنشا 640 توننا سۇيىتىلعان مۇناي گازى ءوندىرىلىپ، تۇتىنۋشىعا جونەلتىلدى. بۇل جوسپارلانعان كورسەتكىشتەن 212 تونناعا ارتىق.

سۇيىتىلعان مۇناي گازىن ءوندىرۋ كولەمىن ارتتىرۋ جوندەۋ جۇمىستارى كەزىندە وبلىستا گاز دەفيتسيتىن بولدىرماۋ ءۇشىن جاسالعان. بۇعان قوسىمشا وبلىستى سۇيىتىلعان مۇناي گازىمەن قامتاماسىز ەتۋ ءۇشىن 9- قاراشادان باستاپ «پحسنگ» ج ش س- دا قازان ايىنان بەرى زاۋىتتىڭ تەحنيكالىق قاجەتتىلىكتەرى ءۇشىن ساقتاۋلى تۇرعان 270 توننا س م گ جونەلتىلە باستادى. قازان- قاراشا ايىنا جوسپارلانعان گاز ءوندىرۋ كولەمى جونىندە «ا م ء و ز» ج ش س جوندەۋ جۇمىستارى باستالماس بۇرىن ەنەرگەتيكا مينيسترلىگى مەن اتىراۋ قالاسىنىڭ اكىمدىگىنە رەسمي تۇردە حابارلادى»، - دەپ زاۋىتتىڭ اقپارات تاراتتى باسپا ءسوز قىزمەتى.

اتىراۋ مۇناي وڭدەۋ زاۋىتى جوسپارلى الدىن الۋ، جوندەۋ جۇمىستارى اياقتالعاننان كەيىن سۇيىتىلعان مۇناي گازىن ءوندىرۋ كولەمىن تاۋلىگىنە 350-400 تونناعا جەتكىزۋدى جوسپارلاپ وتىر.

ەسكە سالا كەتەلىك، بۇعان دەيىن اتىراۋ وبلىسىندا اۆتوگاز تاپشىلىعىنىڭ تۋىنداۋ سەبەبى ايتىلعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى