كوشى-قون زاڭناماسىن بۇزعان شري-لانكانىڭ ءتورت ازاماتى ەلدەن شىعارىلدى

كولىكتەگى پوليتسيا دەپارتامەنتىنىڭ قىزمەت كورسەتۋ اۋماعىندا «قۇقىقتىق ءتارتىپ» جەدەل-پروفيلاكتيكالىق ءىس-شاراسىنىڭ 3 كۇنى ىشىندە ءىزىن سۋىتپاي 11 قىلمىس اشىلدى. سونداي-اق مىڭنان اسا اكىمشىلىك قۇقىق بۇزۋشىلىق انىقتالدى. ونىڭ ىشىندە 40 ۇساق بۇزاقىلىق فاكتىسى، 200 قوعامدىق ورىنداردا سپيرتتىك ىشىمدىكتەر ءىشۋ دەرەگى، 51 شەتەلدىكتىڭ نەمەسە ازاماتتىعى جوق ادامنىڭ كوشى-قون سالاسىنداعى ق ر زاڭناماسىن بۇزعانى انىقتالدى.

بۇل تۋرالى دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆ حابارلادى. ونىڭ ايتۋىنشا، ورال ستانتسياسىنداعى كولىك پوليتسەيلەرى شري-لانكا رەسپۋبليكاسىنىڭ ءتورت ازاماتىنا قاتىستى قازاقستان رەسپۋبليكاسىنىڭ كوشى-قون زاڭناماسىن بۇزۋ فاكتىلەرىن تىركەدى. ولار ۆيزادا كورسەتىلگەن مەرزىمدە ەل اۋماعىنان شىعۋدان جالتارعان.

«قۇقىق بۇزۋشىلارعا قاتىستى ق ر ا ق ب ت ك- ءنىڭ 517-بابى 4-بولىگى بويىنشا اكىمشىلىك ماتەريالدار تولتىرىلدى. ورال قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىمەن شەتەلدىك ازاماتتارعا 5 جىل مەرزىمگە قازاقستان اۋماعىنا كىرۋگە تىيىم سالۋ بەلگىلەنىپ، شەكارادان تىس جەرگە شىعارىپ جىبەرۋ تۇرىندە جاۋاپقا تارتىلدى»، - دەدى م. ايتۋعانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى