سانجار تاشكەنباي ازيا چەمپيوناتىنداعى العاشقى «التىنعا» قول جەتىزدى

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

قازاقستان بوكسشىسى 48 كەلىگە دەيىنگى سالماق دارەجەسىندە جاپوندىق اراتاكە كادزۋمامەن جۇدىرىقتاستى. تورەشىلەردىڭ ءبىراۋىزدان قابىلداعان شەشىمىمەن سانجار تاشكەنباي جەڭىسكە جەتتى. وسىلايشا ول ازيا چەمپيونى اتاندى.

ەسكە سالساق، سانجار تاشكەنباي مۇنىڭ الدىندا ءۇندىستاندىق گوۆيند كۋمار ساحانيمەن جەكپە-جەك وتكىزدى. تارتىستى وتكەن جەكپە-جەكتە ءبىرىنشى راۋندتا بەس تورەشىنىڭ ۇشەۋى سانجار باسىم دەپ تاپسا، ەكىنشى كەزەڭدە قازاقستاندىق بوكسشى تارازى باسىن تۇگەلدەي وزىنە اۋداردى. ونىڭ ۇستىنە، ءۇندىستاندىق سپورتشى ەسكەرتۋ الىپ، ءبىر ۇپايى شەگەرىلدى. قورىتىندى ەسەپ - 4:0 بولعان ەدى.

بۇعان دەيىن يوردانيا استاناسى اممان قالاسىندا بوكستان ءوتىپ جاتقان ازيا چەمپيوناتىندا بۇگىن ەرلەر اراسىندا 9 قازاقستاندىق التىن جۇلدەگە تالاساتىنى حابارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى