جانىبەك ءالىمحان ۇلى مەن دەنزەل بەنتلي ەرتەڭگى ايقاس الدىندا كوز ارباستى

مىندەتتى سالماق ولشەۋ پروتسەدۋراسىنان كەيىن ءالىمحان ۇلى مەن بەنتلي سوڭعى مارتە بەتپە-بەت كەزدەسىپ، كوز ارباستى.

الداعى ايقاستا جانىبەك ورتا سالماقتاعى WBO چەمپيونى بەلبەۋىن قورعايدى. بۇل - قازاقستاندىق بوكسشى ءۇشىن ءبىرىنشى تيتۋلدىق جەكپە-جەك.

ايتا كەتەيىك، Top Rank پروموۋتەرلىك كومپانياسى ج. ءالىمحان ۇلى - د. بەنتلي (17-1-1,14 ك و) جەكپە-جەگىن رەسمي تۇردە جاريالاعان بولاتىن.

«جەكسەنبى، 13- قاراشا كۇنى Palms-تەگى تۋرنيردە الەم چەمپيونى اتاعى ءۇشىن ەكى جەكپە-جەك وتەدى»، - دەپ جازدى Top Rank Instagram-دا.

ەسكە سالايىق، جانىبەك ءالىمحان ۇلى بيىلعى 22- مامىردا بريتانيالىق دەنني ديگنۋمدى (14-0-1، 8 ك و) ەكىنشى راۋندتا نوكاۋتقا ءتۇسىرىپ، WBO نۇسقاسى بويىنشا ورتا سالماقتا «ۋاقىتشا» چەمپيون اتانعان ەدى.

كەيىن امەريكا بوكسشىسى دەمەتريۋس اندرادە ج. الىمحان ۇلىمەن مىندەتتى جەكپە-جەكتەن باس تارتتى. وسىعان بايلانىستى، قازاقستاندىق بوكسشىعا «ۋاقىتشا» چەمپيوننان ورتا سالماقتاعى WBO نۇسقاسى بويىنشا تولىق قۇقىلى الەم چەمپيونى مارتەبەسى بەرىلدى.

ءالىمحان ۇلى - بەنتلي ايقاسى جەكسەنبى، 13- قاراشا كۇنى تاڭەرتەڭ وتەدى. تىكەلەي كورسەتىلىم «حابار» ارناسىندا استانا ۋاقىتىمەن ساعات 08.00 دە باستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى