جاركەنت تۇرعىنى تەلەفون قوڭىراۋىنا جاۋاپ بەرمەگەن قىزدىڭ ءۇيىن ورتەپ جىبەردى دەگەن كۇدىكپەن ۇستالدى
پانفيلوۆ اۋدانى پوليتسيا ءبولىمىنىڭ اقپاراتىنا قاراعاندا، 8- قاراشا كۇنى 60 جاستاعى ەر ادام بەلگىسىز بىرەۋدىڭ ءۇيىن ورتەپ جىبەرگەنىنە شاعىمدانىپ، كىنالى ادامدى جاۋاپقا تارتۋدى سۇراعان. جابىرلەنۋشى الدىن الا كەلتىرىلگەن زالالدى 25 ميلليون تەڭگەگە باعالادى.
«پوليتسيا بۇل ارەكەتكە 24 جاستاعى جەرگىلىكتى تۇرعىننىڭ قاتىسى بارىن انىقتادى. تەرگەۋ بارىسىندا كۇدىكتىنىڭ سول ۇيدە تۇراتىن قىزبەن تانىس بولعانى انىقتالدى. قىز تەلەفون قوڭىراۋىنا جاۋاپ بەرمەگەن. بۇل كۇدىكتىنىڭ اشۋى مەن قىزعانىشىن تۋدىرعان. ءسويتىپ، ول قىزدىڭ ۇيىنە جاسىرىنىپ كىرىپ، ورتەپ جىبەرگەن. ابىروي بولعاندا ءورتتىڭ كورشىلەردىڭ ۇيلەرىنە جايىلۋىنا جول بەرىلگەن جوق»، - دەپ حابارلادى اۋداندىق پوليتسيا بولىمىنەن.
ق ر ق ك 202-بابىنىڭ 2-بولىمىندە كوزدەلگەن «قاساقانا ورتەۋ» ارەكەتى بويىنشا سوتقا دەيىنگى تەرگەۋ باستالدى. قاجەتتى ساراپتامالار تاعايىندالدى. ۇستالعان ادامعا قاتىستى «كەلۋگە مىندەتتەۋ» پروتسەسسۋالدىق ماجبۇرلەۋ شاراسى تاڭدالدى.
