ەنەرگيا ۇنەمدەۋ سالاسىنىڭ ۇزدىكتەرى ماراپاتتالدى

اتاپ ايتقاندا، ەنەرگيانى ۇنەمدى پايدالانۋ مەن سالانى دامىتۋعا ۇلەس قوسقان ازاماتتاردىڭ ەڭبەگى اتالىپ ءوتىپ، قۇرمەت كورسەتىلدى. ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى مارات قارابايەۆ 12 ادامدى «ەنەرگيا ۇنەمدەۋ سالاسىنا قوسقان ۇلەسى ءۇشىن» توسبەلگىسىمەن ماراپاتتادى.

ولاردىڭ قاتارىندا ق ر پارلامەنتى ءماجىلىسىنىڭ دەپۋتاتى دۇيسەنباي تۇرعانوۆ، «energy Partner» ج ش س جوبالارىنىڭ باس ينجەنەرى ەۆگەني كراۆتسوۆ، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ اعا وقىتۋشىسى، تەحنيكا عىلىمدارىنىڭ كانديداتى سەرىكبولات ەسەنعابىلوۆ، «CSI Reseach Lab» ج ش س جوبا مەنەدجەرى ۆيتالي پۋزي، «قاراشىعاناق پەتروليۋم وپەرەيتينگ» كومپانياسى ەنەرگيا تيىمدىلىگى جانە ەكولوگيلىق باعالاۋ ءبولىمىنىڭ باسشىسى دامەش بەكتاليەۆا، «ەنەرگوەكسپەرت ي ك» كومپانياسىنىڭ اتقارۋشى ديرەكتورى، ق ر ەنەرگيا اۋديتورلار، ەنەرگومەنەدجەرلەر، ەنەرگوساراپشىلار پالاتاسىنىڭ باسقارما ءتوراعاسى مارات ەسەكين، قازاقستاندىق ەنەرگواۋديتورلار اسسوتسياتسياسىنىڭ اتقارۋشى ديرەكتورى، تاۋەلسىز ساراپشى ءاليا ىسقاقوۆا، تۇركىستان وبلىسى ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسى باسشىسىنىڭ ورىنباسارى روزا ساريەۆا، «قازحروم» ا ق باس ەنەرگەتيگى ۆالەري پيساروگلو، ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى ورتالىقتارىنىڭ ديرەكتورلارى د. مايدان، و. قابدەنوۆ جانە ا. سافيۋللينا بار.

ايتا كەتسەك، بۇگىن ەلوردادا ەنەرگيا ۇنەمدەۋ ماسەلەلەرىنە ارنالعان حالىقارالىق فورۋم ءوتتى.

شارا اياسىندا 2023-جىلى مەملەكەتتىك ەنەرگەتيكالىق رەستر سۋبەكتىلەرىنىڭ 40 مىڭعا جەتەتىنى بەلگىلى بولدى.

سونداي-اق، وتاندىق ەنەرگيا ۇنەمدەۋ سالاسىندا ب ۇ ۇ دامۋ باعدارلاماسىنىڭ ءۇش جوباسى ىسكە اساتىنى ايتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى