قازاقستاندىق بوكسشى فينالدا وليمپيادا چەمپيونىن ۇتىپ،ازيا چەمپيونى اتاندى

الەم چەمپيوناتىنىڭ قولا جۇلدەگەرى كارينا يبراگيموۆا 57 كەلىگە دەيىنگى سالماقتا توكيو وليمپياداسىنىڭ جەڭىمپازى، جاپونيالىق يريە سەنامەن جۇدىرىقتاستى.

كارينا جارتىلاي فينالدا الەم چەمپيونى، فيليپپيندىك نەستي پەتەسيونى جارىس جولىنان شىعارىپ تاستاپ ەدى. وسى ن. پەتەسيونى وليمپيادا فينالىندا ي. سەنا ۇتقان بولاتىن.

كارينا فينالدا قولى مەن بويىنىڭ ۇزىندىعىن پايدالانىپ، ءدال سوققى جاساۋعا تىرىستى. ول سولاي بولدى دا. ەكىنشى راۋندتا جاپونيالىق بوكسشى ەسكەرتۋ الىپ، ۇپايى شەگەرىلدى. دەگەنمەن ءۇشىنشى كەزەڭ سوڭىندا كارينا نوكداۋن الدى. ەسەپ - 3:1، ك. يبراگيموۆا چەمپيون اتاندى.

وسىلايشا، قازاقستان قورجىنىنا ءۇشىنشى التىن ءتۇستى.

بۇگىن سونداي-اق گۇلسايا ەرجان 81 كەلىگە دەيىنگى سالماقتا ءۇندىستاندىق ساۆيتيمەن قولعاپ تۇيىستىرەدى.

ەسكە سالا كەتەيىك، بۇدان بۇرىن ازيا چەمپيوناتىندا ايبەك ورالبايدىڭ قازاقستاننان توعىزىنشى بولىپ فينالعا شىققانىن جازعان ەدىك.

سونداي-اق ەرلەردەن فينالعا شىققان توعىىز قازاقستاندىقتىڭ بەسەۋى وزبەكستاندىقتارمەن كەزدەسەدى.

بوكستان ازيا چەمپيوناتىندا قازاقستاندىقتاردىڭ فينالدىق جەكپە-جەكتەرىنىڭ كەستەسى جاريالاندى.

جاينا شەكەربەكوۆا ەل قورجىنىنا ەكىنشى التىندى سالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى