ارىستى سناريادتان تازارتۋ جۇمىستارىنان كوكسارايعا كەلەر قاۋىپ جوق - مينيستر
بۇل تۋرالى تۇركىستان وبلىسىنىڭ تۇرعىندارىمەن كەزدەسكەن توتەنشە جاعدايلار ءمينيسترى يۋري يلين مالىمدەدى، دەپ حابارلايدى قازاقپارات ءتىلشىسى.
ءمينيستردىڭ حالىقپەن كەزدەسۋىندە تۇرعىندار تاراپىنان دا كوپتەگەن ساۋالدار ءتۇستى. سونىڭ ءبىرى ارىس قالاسى اۋماعىندا زالالسىزداندىرىلىپ جاتقان سناريادتار جارىلىسىنان كوكساراي سۋ رەتتەگىشىنە كەلەر قاۋىپ تۋرالى بولدى.
«كوكساراي» سۋ قويماسى ماڭىزى جوعارى ستراتەگيالىق نىسان ەكەندىگىن ايتىپ وتكەن مينيستر بۇل باعىتتا ەشقانداي قورقىنىش جوق ەكەندىگىن جەتكىزدى. سۋ قويماسىنىڭ جۇمىسى باقىلاۋدا.
سونداي-اق مينيستر ءورت سوندىرۋشىلەر مەن قۇتقارۋشىلاردىڭ جالاقىسى جوعارىلاپ، ماتەريالدىق بازاسىن نىعايتۋ جولىندا اتقارىلىپ جاتقان جۇمىستارمەن تانىستىردى.
توتەنشە جاعدايلاردىڭ الدىن الۋ جانە جويۋ، سۋ تاسقىنى كەزەڭىندە تۇرعىن ۇيلەردى سۋ باسۋدىڭ الدىن الۋ، جىلىتۋ ماۋسىمىندا قايعىلى وقيعالاردىڭ بولدىرماۋ ماقساتىندا جۇرگىزىلىپ جاتقان جۇمىستار جايلى باياندادى.
كەزدەسۋ سوڭىندا يۋري يلين حالىقتى جەكە ماسەلەلەر بويىنشا قابىلدادى.
