الماتىداعى اۆتوبۋس اپاتى: جۇرگىزۋشى ەكى ايعا قاماۋعا الىندى
«الماتى قالاسى تەرگەۋ سوتىنىڭ قاۋلىسىمەن 11- قاراشا كۇنى سوتقا دەيىنگى تەرگەۋ ورگاندارىنىڭ كۇدىكتى ا- عا قاتىستى 2 ايعا كۇزەتپەن ۇستاۋ تۇرىندەگى بۇلتارتپاۋ شاراسىن قولدانۋ تۋرالى ءوتىنىشى سانكسيالاندى. كۇزەتپەن ۇستاۋ مەرزىمى 2023-جىلدىڭ 9- قاڭتار كۇنىنە دەيىن بەلگىلەنەدى»، - دەدى الماتى قالالىق سوتىنىڭ رەسمي وكىلى اباي جارىلقاسىن.
ەسكە سالايىق، 8- قاراشا كۇنى الماتىدا تولە ءبي - ابىلاي حان كوشەلەرىنىڭ قيىلىسىندا ەكى اۆتوبۋس سوقتىعىستى.
العاشىندا پوليتسەيلەر ءبىر ادام كوز جۇمىپ، 15 ادام زارداپ شەككەنىن مالىمدەگەن بولاتىن.
كەيىن جاراقات العاندار سانى 17 گە جەتتى.
سوڭعى مالىمەت بويىنشا، مەديتسينالىق كومەككە 21 ادام جۇگىنگەن، ونىڭ 9 ى اۋرۋحاناعا جاتقىزىلدى.
سونداي-اق «الماتى ەلەكتروكولىك» ج ش س الماتىدا سوعىلعان اۆتوبۋستاردىڭ تەجەگىشى ىستەن شىقتى دەگەن اقپاراتتىڭ شىندىققا جاناسپايتىنىن ايتتى.
