قونايەۆ- الماتى باعىتىنداعى پويىز كۇن سايىن ساعات قانشادا جۇرەتىنى ايتىلدى - فوتو
ديزەلدى تەمىرجول پويىزى كۇن سايىن قونايەۆتان ساعات 06.00 دە، الماتى ستانساسىنان كەرى قاراي ساعات 19.00 دە جۇرەدى. جول ءجۇرۋ ۋاقىتى - 1 ساعات، 17 مينۋت، دەپ حابارلايدى قازاقپارات «قازاقستان تەمىر جولى» ۇ ك» ا ق باسپا ءسوز قىزمەتىنە سىلتەمە جاساپ.
بۇل باعىتتى قارجىلاندىرۋ اعىمداعى جىلدىڭ سوڭىنا دەيىن ۇلتتىق تاسىمالداۋشى ەسەبىنەن جۇزەگە اسىرىلادى. قازىرگى ۋاقىتتا يندۋستريا جانە ينفراقۇرىلىمدىق دامۋ مينيسترلىگىمەن جانە الماتى وبلىسىنىڭ اكىمدىگىمەن بىرلەسە وتىرىپ، اتالعان باعىتتا تاسىمالداۋشىنىڭ شىعىندارىن سۋبسيديالاۋ بويىنشا 2023 -جىلعا تەندەر وتكىزۋ جۇمىستارى جۇرگىزىلۋدە.
جوبا پرەزيدەنت قاسىم-جومارت توقايەۆتىڭ الماتى وبلىسىنا جۇمىس ساپارى بارىسىندا بەرگەن تاپسىرماسى بويىنشا جۇزەگە اسىرىلۋدا.
«باستى مىندەتتەردىڭ ءبىرى - وبلىستىڭ كولىكتىك- لوگيستيكالىق الەۋەتىن ارتتىرۋ. ۇكىمەت اكىمدىكپەن بىرلەسە وتىرىپ، كولىك جەلىسىن جاقسارتۋ بويىنشا كەشەندى شارالار ازىرلەۋى ءتيىس. جولاۋشىلار مەن جۇك تاسىمالىنىڭ مۇمكىندىگىن كەڭەيتۋ ءۇشىن جاعداي جاساۋ قاجەت. اتاپ ايتقاندا، الماتى مەن قونايەۆ اراسىنداعى جول جەلىسىمەن قاتار تەمىرجول جەلىسىن دە دامىتۋ قاجەت»، - دەدى مەملەكەت باسشىسى.
بيلەتتەردى BILET. RAILWAYS. KZ سايتى نەمەسە «ق ت ج بيلەتتەرى» موبيلدى قوسىمشاسى ارقىلى ونلاين ساتىپ الۋعا بولادى.
بۇعان دەيىن ي ي د م باسپا ءسوز قىزمەتى قالا ماڭىنداعى جاڭا الماتى- قونايەۆ باعىتى بويىنشا تاۋلىگىنە ءبىر رەت جۇرەتىن پويىز الماتى-1 ستانساسىنان ساعات 06:44-تە شىعىپ، قاپشاعاي ستانساسىنا 08:35-تە كەلەتىنىن، سونداي-اق قاپشاعاي ستانساسىنان 19:15-تە جونەلتىلىپ، الماتى-1 ستانساسىنا 20:50 دە جەتەتىنىن حابارلاعان بولاتىن.
