جەتىسۋ وبلىسىندا تاپانشا مەن وق وتپەيتىن ارنايى قورعانىس قۇرالدارى تابىلدى
9-قاراشادا تەكەلى قالاسىندا جەتىسۋ وبلىسى پ د ەكسترەميزمگە قارسى كۇرەس باسقارماسىنىڭ قىزمەتكەرلەرى ۇ ق ك د- مەن بىرلەسىپ «ماكاروۆ» جاۋىنگەرلىك تاپانشاسىن، وق وتپەيتىن جيلەت جانە ارنايى قورعانىس قۇرالدارىن تاپتى.
تاركىلەنگەن قارۋ بالليستيكالىق- سوت ساراپتاماسىنا جىبەرىلدى. دەرەك بويىنشا ق ر ق ك 287-بابىنىڭ 3-بولىمىندە كوزدەلگەن سوتقا دەيىنگى تەرگەۋ امالدارى باستالدى.
«قاڭتار ايىنداعى تارتىپسىزدىكتەرگە قاتىسى بار كەيبىر ادامدار جاۋاپكەرشىلىكتەن قۇتىلۋعا تىرىسىپ، ولارعا زاڭسىز تۇسكەن قارۋ-جاراق پەن وق-دارىلەردى لاقتىرىپ تاستايتىنىن اتاپ وتكىمىز كەلەدى. وسىعان بايلانىستى ءتارتىپ ساقشىلارى زاڭسىز ساقتاۋدا جاتقان قارۋ-جاراق پەن وق-دارىلەرى بار بارلىق ازاماتتاردان ولاردى جەرگىلىكتى قۇقىق قورعاۋ ورگاندارىنا تاپسىرۋدى سۇرايدى. سونىمەن قاتار، بارلىق ازاماتتارعا ق ر ق ك 287-بابىنا سايكەس اتىس قارۋى مەن وق-دارىلەردى ءوز ەركىمەن تاپسىرعان ادامدار، ەگەر ونىڭ ارەكەتتەرىندە وزگە قىلمىس قۇرامى بولماسا، قىلمىستىق جاۋاپكەرشىلىكتەن بوساتىلاتىنىن ەسكە سالامىز. بۇل رەتتە ادامدى ۇستاۋ كەزىندە، سونداي-اق ولاردى ىزدەۋ جانە تەرگەۋ ارەكەتتەرىن جۇرگىزۋ بارىسىندا قارۋ تابىلعان جاعدايدا، بۇل ارەكەت قارۋدى ەرىكتى تۇردە تاپسىرۋ دەپ تانىلمايتىنىڭ ەسكەرتەمىز»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، جىل باسىنان بەرى وڭىردە زاڭسىز اينالىمنان 228 اتىس قارۋى، ونىڭ ىشىندە 157 تاپانشا تاركىلەندى.
