بوكستان ا چ: ساكەن بيبوسىنوۆ قازاقستان قۇراماسىنان جەتىنشى بولىپ فينالعا جولداما الدى

كەشكى سەسسيانى قوس بىردەي الەم چەمپيونى ساكەن بيبوسىنوۆ پەن جاپونيالىق تومويا سۋبوي (51 ك گ) باستادى.

ولاردىڭ ەكەۋى دە 2021 -جىلى بەلگرادتا وتكەن الەم بىرىنشىلىگىندە توپ جارعان بولاتىن. 54 كەلىگە دەيىنگى سالماقتا ت. تسۋبوي سوڭعى جەكپە-جەكتە قازاقستاندىق ماحمۋد سابىرحاننان ايلاسىن اسىرعان ەدى. سوندىقتان بۇگىن ساكەن كوماندالاسىنىڭ دا ەسەسىن قايتارۋى ءتيىس ەدى.

قازاقستاندىق بوكسشى بىردەن ۇرىس تىزگىنىن قولعا الىپ، قارسىلاسىنان ءبىر باس جوعارى ەكەندىگىن تانىتا ءبىلدى. تورەشىلەر ەسەبى - 5:0، ساكەن بيبوسىنوۆتىڭ پايداسىندا.

وسىلايشا، س. بيبوسىنوۆ قازاقستان قۇراماسىنان جەتىنشى بولىپ فينالعا جولداما الدى.

كەشكى سەسسيادا سونداي- اق اسلانبەك شىمبەرگەنوۆ (71 ك گ)، اعايىندى جىگىتتەر نۇربەك ورالباي (80 ك گ) مەن ايبەك ورالباي (92 ك گ) فينالدىڭ جولداماسى ءۇشىن كۇرەسەدى.

ەسكە سالا كەتەيىك، بۇدان بۇرىن ازيا چەمپيوناتىندا بۇگىن ەرلەردەن 12 قازاقستاندىقتىڭ ½ فينالدا شىعاتىنىن جازعان بولاتىنبىز.

سونداي-اق قازاقستاندىق بوكسشى قىزداردىڭ فينالداعى قارسىلاستارى انىقتالدى.

بوكسشى سانجار تاشكەنباي جانە تاعى 4 قازاقستاندىق فينالعا شىقتى.

الۋا بالقىبەكوۆا بوكستان ازيا چەمپيونى اتاندى.

بوكستان ازيا چەمپيوناتىندا تاعى ەكى قازاقستاندىق بوكسشى فينالعا ءوتتى.

قامشىبەك قوڭقابايەۆ سوڭعى ايقاسقا جولداما الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى