بوكستان ازيا چەمپيوناتى: قامشىبەك قوڭقابايەۆ سوڭعى ايقاسقا جولداما الدى

توكيو وليمپياداسىنىڭ قولا جۇلدەگەرى، الەم چەمپيوناتىندا ەكى مارتە كۇمىس العان قامشىبەك قوڭقابايەۆ اسا اۋىر سالماقتا جارتىلاي فينالدا تاجىكستاندىق مۋحامماد ابروريدينوۆپەن قولعاپ ءتۇيىستىردى.

قارسىلاسىنىڭ ۇزىن بولعانىنا قاراماستان، قامشىبەك ءدال شابۋىلداپ، ءوزىنىڭ شەبەرلىگى باسىم ەكەندىگىن انىق تانىتا ءبىلدى. قازاقستاندىق بوكسشىنىڭ جەڭگەنىنە تورەشىلەر دە ەش كۇمان كەلتىرگەن جوق - 5:0.

تاعى ءبىر قازاقستاندىق ساعىندىق توعامباي 86 كەلىگە دەيىنگى سالماقتا يوردانيالىق وداي رياد ادەالحينداۆيمەن قولعاپ ءتۇيىستىردى.

بۇل باسەكەدە تورەشىلەر جەڭىستى شارشى الاڭنىڭ يەسىنە بەردى - 5:0.

س. توعامباي قولا جۇلدەنى قاناعات تۇتتى.

وسىلايشا، كۇندىزگى سەسسيادا جەتى بوكسشىنىڭ بەسەۋى فينالعا شىقتى. وعان قوسا كەشكى سەسسيادا شىعۋى ءتيىس سەرىك تەمىرجانوۆ تا بوكستاسپاستان جولداما يەسى اتاندى.

كەشكى سەسسيادا تاعى ءتورت بوكسشى ونەر كورسەتەدى.

ەسكە سالا كەتەيىك، بۇدان بۇرىن گۇلسايا ەرجاننىڭ ازيا چەمپيوناتىنىڭ فينالىنا جولداما العانىن، ازيا چەمپيوناتىندا بۇگىن ەرلەردەن 12 قازاقستاندىقتىڭ ½ فينالدا شىعاتىنىن جازعان بولاتىنبىز.

سونداي-اق قازاقستاندىق بوكسشى قىزداردىڭ فينالداعى قارسىلاستارى انىقتالدى.

بوكسشى سانجار تاشكەنباي جانە تاعى 3 بوكسشى فينالعا شىقتى.

الۋا بالقىبەكوۆا بوكستان ازيا چەمپيونى اتاندى.

بوكستان ازيا چەمپيوناتىندا تاعى ەكى قازاقستاندىق بوكسشى فينالعا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى