بوكسشى سانجار تاشكەنباي ازيا چەمپيوناتىنىڭ فينالىنا شىقتى

قازاقستاندىقتاردان ءبىرىنشى بولىپ رينگكە جاستار اراسىنداعى الەم چەمپيونى سانجار تاشكەنباي شىقتى.

سانجار 48 كەلىگە دەيىنگى سالماقتا ءۇندىستاندىق گوۆيند كۋمار ساحانيمەن جۇدىرىقتاستى.

تارتىستى وتكەن جەكپە-جەكتە ءبىرىنشى راۋندتا بەس تورەشىنىڭ ۇشەۋى سانجار باسىم دەپ تاپسا، ەكىنشى كەزەڭدە قازاقستاندىق بوكسشى تارازى باسىن تۇگەلدەي وزىنە اۋداردى. ونىڭ ۇستىنە ءۇندىستاندىق سپورتشى ەسكەرتۋ الىپ، ءبىر ۇپايى شەگەرىلدى. قورىتىندى ەسەپ - 4:0، سانجاردىڭ پايداسىندا.

سانجار تاشكەنباي سوڭعى باسەكەدە جاپونيالىق بوكسشىمەن التىن جۇلدە ءۇشىن تالاسادى.

بۇگىن جارتىلاي فينالدا تاعى 11 قازاقستاندىق بوكسشى ەل نامىسىن قورعايدى.

ەسكە سالا كەتەيىك، بۇدان بۇرىن گۇلسايا ەرجاننىڭ ازيا چەمپيوناتىنىڭ فينالىنا جولداما العانىن، ازيا چەمپيوناتىندا بۇگىن ەرلەردەن 12 قازاقستاندىقتىڭ ½ فينالدا شىعاتىنىن جازعان بولاتىنبىز.

سونداي-اق قازاقستاندىق بوكسشى قىزداردىڭ فينالداعى قارسىلاستارى انىقتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى