جەمقورلاردان تاركىلەنگەن قاراجات مەكتەپتەر قۇرىلىسىنا ارنالعان ەسەپشوتقا ءتۇستى
«مەملەكەت باسشىسىنىڭ تاپسىرماسىنا سايكەس، ءبىز زاڭناماعا، بيۋجەت كودەكسىنە ارنايى نورمالار ازىرلەدىك. وندا وسى قاراجاتتى اۋدارۋ ءۇشىن قارجى مينيسترلىگىندە ارنايى بولەك شوت قاراستىرىلعان. قۇقىق قورعاۋ ورگاندارى ءتيىستى جۇمىستى قامتاماسىز ەتەدى. وسى ورايدا شەشىم شىعارىلعان جەمقورلار بويىنشا قاراجات قارجى مينيسترلىگىنىڭ ارنايى شوتىنا تۇسەدى»، - دەدى ءاليحان ساميلوۆ سەناتتىڭ جالپى وتىرىسىنان كەيىنگى باسپا ءسوز ءماسليحاتىندا.
ۇكىمەت باسشىسى بۇل ەسەپشوتقا قانشا قاراجات تۇسكەنىن ناقتىلادى.
«قازىردىڭ وزىندە شامامەن 50 ميلليارد تەڭگە ءتۇستى، جاقىن ارادا بۇل سوما 100 ميلليارد تەڭگەگە دەيىن جەتۋى مۇمكىن. بۇل قاراجات ورىن تاپشىلىعى بار جانە ءۇش اۋىسىمدا ءبىلىم بەرەتىن، سونداي-اق اپاتتى جاعدايداعى مەكتەپتەرى بار وڭىرلەردە جاڭا نىساندار سالۋعا باعىتتالادى»، - دەدى ءاليحان سمايىلوۆ.
قازىرگى كەزدە وقۋ-اعارتۋ مينيسترلىگى بۇل باعىتتا ءتيىستى قۇجاتتامانى ازىرلەپ جاتىر.
ايتا كەتەيىك، بيىل قىركۇيەك ايىنداعى جولداۋىندا مەملەكەت باسشىسى جەمقورلاردىڭ زاڭسىز تاپقان قارجىسى ولار سوتتالعان سوڭ مەملەكەتكە ءوتىپ، تۇگەلدەي مەكتەپ قۇرىلىسىنا جۇمسالۋى ءتيىس ەكەنىن ايتتى.
«ۇكىمەت وسى باستامانى زاڭ تۇرعىسىنان راسىمدەۋ تۋرالى شەشىم قابىلداۋى كەرەك»، - دەدى قاسىم-جومارت توقايەۆ.
