قىتايداعى باي ادامدار سانى ايتارلىقتاي ازايدى

ال Alibaba كومپانياسىنىڭ نەگىزىن قالاۋشى دجەك ما رەيتينگىدە توعىزىنشى ورىندا تۇر.

بۇل تۋرالى HuRun ينستيتۋتى (حۋجۋن) جاريالاعان HuRun China Rich List بايانداماسىندا ايتىلعان، دەپ حابارلايدى قازاقپارات مەنشىكتى ءتىلشىسى.

بيىل تىزىمگە 1305 ادام كىردى، بۇل وتكەن جىلمەن سالىستىرعاندا 11 پايىز از جانە ولاردىڭ جالپى بايلىعى 3,5 تريلليون دوللاردى قۇرادى (بۇل 2021-جىلمەن سالىستىرعاندا 18 پايىز تومەن).

ەڭ باي قىتايلىقتار تىزىمىندەگى ءبىرىنشى ورىندى بوتەلكە سۋ كومپانياسىنىڭ نەگىزىن قالاۋشى چجۋن شانشان العان. ونىڭ بايلىعى ءبىر جىلدا 17 پايىز ءوسىپ، 65 ميلليارد دوللاردى قۇرادى.

ەكىنشى ورىندا ByteDance كومپانياسىنىڭ نەگىزىن قالاۋشى چجان يمين تۇر، ونىڭ بايلىعى - 35 ميلليارد دوللار.

ۇشتىكتى CATL وتىن ەلەمەنتتەرى مەن ليتي-يوندى اككۋمۋلياتورلار ءوندىرۋشىسى سزەن يۋيكۋن تۇيىقتادى، داۋلەتى - 32,9 ميلليارد دوللار.

Alibaba نەگىزىن قالاۋشى دجەك ما رەيتينگىدە تەك توعىزىنشى ورىنعا يە بولدى. ونىڭ بايلىعى شامامەن 30 پايىز - 25,7 ميلليارد دوللارعا دەيىن ازايدى.

ەڭ باي ادامدار تۇراتىن قالالاردىڭ العاشقى ۇشتىگىنە بەيجىڭ، شەنچجەن جانە شاڭحاي ەندى، ودان كەيىن گونكونگ پەن حانچجوۋ تۇر.

قىتايلىق ميللياردەرلەردىڭ ورتاشا جاسى - 58.

باسىلىم اتاپ وتكەندەي، قىتايداعى ەڭ باي ادامدار ءتىزىمىنىڭ قىسقارۋىنا الەمدەگى پاندەميا مەن گەوساياسي شيەلەنىس جاعدايىندا الەمدىك ەكونوميكانىڭ باياۋلاۋى اسەر ەتكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى