نازىم قىزايباي بوكستان ازيا چەمپيوناتىنىڭ قولا جۇلدەگەرى اتاندى

كۇندىزگى سەسسيادا قازاقستاننان العاشقى بولىپ رينگكە ەكى مارتە الەم چەمپيونى نازىم قىزايباي شىقتى.

ول 50 كەلىگە دەيىنگى سالماقتا جاپونيا ەلىنىڭ وكىلى، 2020 -جىلعى توكيو وليمپياداسىنىڭ قولا جۇلدەگەرى ناميكي تسۋكيميمەن جۇدىرىقتاستى.

نازىم وسى چەمپيوناتتا شيرەك فينالدا موڭعوليالىق مۋنگۋنساران بالسانمەن قولعاپ تۇيىستىرگەن بولاتىن. جەكپە- جەك تارتىستى ءوتىپ، تورەشىلەر 3:2 ەسەبىمەن جەڭىستى قازاقستاندىق بوكسشىعا بەرگەن ەدى.

ن. قىزايبايدىڭ جارتىلاي فينالدىق باسەكەسى دە قىزۋ ءوتتى. قوس بوكسشى ايانىپ قالعان جوق. تورەشىلەر جەڭىستى باسىم داۋىسپەن جاپونيالىق سپورتشىعا بەردى.

ن. سۋكۋمي فينالدا ۆەتنامدىق تي تام نگۋەنمەن التىن جۇلدەنى ساراپقا سالادى.

سونداي- اق بۇگىن ازيا چەمپيوناتىندا تاعى سەگىز بوكسشى قىزىمىز فينالدىڭ جولداماسىن ساراپقا سالادى

ەسكە سالا كەتەيىك، بۇدان بۇرىن ازيا چەمپيوناتىن قامشىبەك قوڭقابايەۆتىڭ جەڭىسپەن تۇيىندەگەنىن، سونداي- اق بۇگىن توعىز قازاقستاندىق بوكسشىنىڭ فينالعا شىعۋ ءۇشىن تالاساتىنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى